پێداچوون د لهزگێن تهكسیان دا دهێته كرن
ههولێر، سولین سلێمان:
وهزارهتا ڤهگوهاستن و گههاندنێ یا حوكمهتا ههرێما كوردستانێ دیار كر كو پێداچوون ژ بۆ دانا لهزگێن تهكسیان دێ هێته كرن.
دیلان رهشاد، پهیڤدارێ وهزارهتا ڤهگوهاستن و گههاندنێ بۆ رۆژناما ئهڤرۆ دیار كر، ئهو شێوازێن بهری نوكه ژ بۆ دانا لهزگێن تهكسیان ههین، رهنگه بهێنه گوهۆڕین و گۆت: “ل دووڤ پێدڤیێن شۆفێران ئهم دێ رێكێ ب دانانا وان لهزگان ژ بۆ شۆفێران دهین، د نوكه ژی دا پێداچوون ژ بۆ ڤێ چهندێ یا بهردهوامه”.
گۆتژی: “بهری نوكه ههر شۆفێرهكی ب كهیفا خوه لهزگه وهرگرتیه، لێ د نوكه دا ههر شۆفێرهكێ لهزگه ل ترۆمبێلا خوه نهدابیت، ل مهفرهزێن هاتنوچوونێ دێ هێته سزادان”.
دیلانی ئاشكرا ژی كر، ئهڤ بڕیاره ل تهڤایا ههرێما كوردستانێ ل ههموو باژێڕ و پارێزگههان دێ هێته بجهئینان و گۆت: “ل دووڤ بڕیارێن وهزارهتا مه، ههر كهسێ پێگریێ ب ڤێ بڕیارێ نهكهت، ب گوژمێ 500 هزار دیناران دێ هێته سزادان”.
زێدهتر گۆت: “بها و رهنگێ ههر لهزگهكێ ل ههر پارێزگهكێ یێ جودایه، ل ههولێرێ بهایێ وێ 18 هزار دینارن، ل سلێمانیێ 18 هزار و 750 دینارن و ل پارێزگهها دهۆكێ ژی 13 هزار دینارن، مه چهندین لژنه ژ بۆ بجهئینانا ڤێ بڕیارێ پێكئیناینه”.