پێدڤیه به‌رى ئازادكرنا مووسل رێككه‌فتنه‌كا سیاسى بهێته كرن
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ پێشوازیا فرانك به‌یكه‌ر بالیوزێ بریتانیا ل عیراقێ كر و هه‌ردوئالیان راگه‌هاند ژ پێخه‌مه‌ت رێگرتن ژ دروستبوونا كێشێن كوورتر و پاراستنا پێكهاتێن ئایینى و نه‌ته‌وه‌یى و پشت راستبوون و دووباره‌نه‌بوونا كاره‌ساتان، پێدڤیه به‌رى ئازادكرنا مووسل رێككه‌فتنه‌كا سیاسى د ناڤبه‌را لایه‌نان دا بهێته سازكرن.
ژ ئالیه‌كێ دى ڤه سه‌رۆك بارزانى پێشوازیا شانده‌كێ هه‌ڤپشكێ كونسول و نوونه‌رێن وه‌لاتێن عه‌ره‌بى ل هه‌ولێرێ كر، د دیداره‌كێ دا، شاندێ هه‌ڤپشك پشته‌ڤانیا خوه بۆ گه‌لێ كوردستانێ دووپات كر و به‌حسێ قاره‌مانیا هێزا پێشمه‌رگێ كوردستانێ كرن، هه‌روه‌سا په‌سنا دلفره‌هى و مێهڤانداریا گه‌لێ كوردستانێ كر كو بوویه په‌ناگه‌هه‌ك بۆ پێكهاتێن نه‌ته‌وه‌یى و ئاینى و بیروبوچوونێن جودا، د هه‌مبه‌ر دا سه‌رۆك بارزانى هه‌بوونا نوونه‌راتیێن وه‌لاتێن عه‌ره‌بى ل باژێرێ هه‌ولێرێ ب رامانا په‌یاما دوستایه‌تى و هه‌ڤسوزیا ناڤبه‌را گه‌لێ كوردستانێ و وه‌لاتێن عه‌ره‌بى ل قه‌له‌م دا.