پێدڤیه پلانه‌كا بهێز بۆ پشى شه‌رێ مووسل بهێته دارێژتن
ئه‌ڤرۆ نیوز:
سه‌رۆك بارزانى و نێچیرڤان بارزانى جودا جودا پێشوازى ل فلیپۆ گراندى كومسیارێ بلندێ كاروبارێن په‌نابه‌ران یێ سه‌ر ب نه‌ته‌وێن یه‌كگرتى ڤه كر.
سه‌رۆك بارزانى به‌حسێ ره‌وشا مه‌یدانى یا به‌رۆكێن شه‌رى بۆ گراندى به‌حس كر هه‌روه‌ها ئه‌و پلانا بۆ پشتى ئازادكرنا مووسل هاتینه دارێشتن و ئاماژه ب هه‌ماهه‌نگیا ناڤبه‌را پێشمه‌رگه و سوپایێ عیراقێ دا كر د ئوپه‌راسیونا ئازادكرنا مووسل دا، كو پرسه‌كا دیرۆكى یه و ئێكه‌م جاره روو دده‌ت و ب ده‌رفه‌ته‌ك زانى بۆ پێداچوون و ئاڤاككرنا پاشه‌رۆژێ.
نێچیرڤان بارزانى دا، ددیدارا ل گه‌ل گراندى ئاماژه ب وێ یه‌كێ دا كو پێدڤیه پلانه‌كا بهێز بۆ پشى شه‌رێ مووسل بهێته دارێژتن و گۆت” بۆ دابینكرنا پێدڤیێن ئاواران، پێدڤیه جڤاكێ نێڤده‌وله‌تى زێده‌تر هه‌ڤكاریا هه‌رێما كوردستانێ بكه‌ت، ژبه‌ر كو ئه‌وا نوكه د شیانێن هه‌رێمێ دا ئه‌وه كو جهێ ڤه‌حه‌ویانێ بۆ وان دابین بكه‌ت و نه‌شێن وه‌كو پێدڤى هاریكاریان پێشكێش بكه‌ت.
گراندى ئاماژه ب وێ یه‌كێ كر ئه‌و دێ زێده‌تر بزاڤێن خوه ل گه‌ل جڤاكى نێڤده‌وله‌تى و رێكخراوێن سه‌ر ب نه‌ته‌وێن یه‌كگرتى ڤه مه‌زێخیت بۆ وێ یه‌كێ پتر هاریكاریا هه‌رێما كوردستانێ بكه‌ن و پێكڤه بشێن پێدڤیێن ئاواران دابین بكه‌ن.
