پێدڤییە هەلبژارتنێن پەرلەمانێ كوردستانێ دوور ژ پێشێلكارییان بن
دوهی دوشەمبی 30 ئیلۆنا 2024، مسەرور بارزانی، سەرۆكێ حوكمەتا هەرێما كوردستانێ پێشوازی ل بالیۆزێ رۆسا ل ئیراقێ كر.
ب گۆڕەی بەیاننامەیەكا حوكمەتا هەرێما كوردستانێ» د كۆمبوونێدا بیر و بۆچوون ل دۆر پێشڤەبرنا پەیوەندیێن هەرێما كوردستانێ و رۆسا و دووماهی پێشهاتێن رەوشا گشتییا ئیراقێ و دەڤەرێ هاتە لیكگۆهارتن».
د پشكەكا دی یا دانوستاندناندا، باس ل بەرهەڤیێن هەلبژارتنێن پەرلەمانێ كوردستانێ هاتە كرن، ب گۆڕەی بەیاننامەیا حوكمەتا هەرێمێ» دوپاتی ل گرنگییا بجهئینانا پڕۆسەیا هەلبژارتنان د سەقایەكا ئارامدا و دوور ژ پێشێلكارییان هاتە كرن».
پێدڤییا چارەسەركرنا كێشەیێن هەرێما كوردستانێ و حوكمەتا فیدرالی و دابینكرنا مافێن دستووری یێن هەرێما كوردستانێ، تەوەرەكێ دی یێ دانوستاندنێن كۆمبوونێ بوو.
