پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
دوهی دوشەمبی 9/9/2024 ل سەلاحەدین سەرۆك مەسعود بارزانی پێشوازی ل ئەلینا رۆمانۆسكی، بالیۆزێ ئەمریكا ل ئیراقێ كر.
د دیدارەكێدا كو ستیڤن بینەر، قۆنسلێ گشتیێ ئەمریكا ل هەولێرێ بەرهەڤ بوو، بالیۆزا ئەمریكا ل ئیراقێ ئاماژە ب ئەنجامێن دوماهی سەرەدانا سەرۆك بارزانی بۆ بەغدا كر كو كاریگەرییەكا مەزن ل سەر روانگەها ئالیێن سیاسیێن ئیراقێ و پەیداكرنا سەقایەكێ ئەرێنی بۆ رەفتارێ ل گەل پرسێن جودا جودا هەبوو.
هەر د ئەوێ دیدارێدا باس ل رەوشا سیاسییا ئیراقێ و دەڤەرێ و هەلبژارتنێن پەرلەمانێ كوردستانێ ل مەها ئۆكتۆبەرا بهێت و پێدڤییا ئەنجامدانا هەوا هەلبژارتنان د سەقایەكێ ئازاد دا و دوور ژ گرژیێ هاتە كرن.
پرسا مانا هێزێن هەڤپەیمانان ل ئیراقێ و گەفێن تیرۆرێ ل سەر ئیراقێ و دەڤەرێ تەوەرەكێ دی ئەوێ دیدارێ بوون.
