پێدڤیە ژنەک ببیتە جێگرا سەرۆک وەزیران ل ھەرێما کوردستانێ
ئەڤرۆ، رەمەزان ھەرنی:
چالاکڤانەکا سیاسی و روشنبیری ل دور رێژا ئافرەتا ل پەلەمانێ نوو دبێژیت، ریژا ئافرەتێ ل پەرلەمانی دا 25% یە، ب ھزرامن ئاریشا مە وەک ئافرەت نە ب ژمارا پشکداریا ئافرەتێ دپەرلەمانی دایە، بەلکو ئایا دێ چەندا سەرکەفتی بیت ب پەژراندنا قانونێن پێتڤی لە ھەمی بواراندا، ل پرانیا وەلاتێن پاشکەفتی ئافرەتا سەرکردە دھێتە چەوساندان و ناھێلن پێشکەڤیت ، ھەکە بەراورد ل گەل وەلاتێن پێشکەفتی بکەین، دێ جوداھیەکا ئێکجار مەزن ل پوستێن ئافرەت تێدانە بینین ھە ژ سەروک و سەروک وەزیر .. و ھتد . بەروڤاژی و ھەتا نوکە ل پرانیا کابینێن حکومەتا ھەرێما کوردستانێ ئێک وەزیرا ئافرەت دھاتە دیتن .
روژا مەجید کادرا سیاسی و روشنبیر بۆ روژناما ئەڤرۆ گوت: ھەکە ئەم بەرێ خوە بدەین دیروکا خو دێ بینین کو مللەتێ کورد گەلەک سەرکردێن ئافرەت ھەبووینە و رولەکێ بەرچاڤ د ناڤ قادا سیاسی و نەتەوەی و جڤاکی دا ھەبوویە ،پشتی سەرھلدنێ تا رادەکی ئافرەت د پشکداریا بزاڤا سیاسی دا پاشڤەچوو، ئەوژی ژبەر گەلەک ھوکاران ژوان زالبونا عشیرەتگەریی و ئالیێ جڤاکی و نزمیا ئاستێ رەوشەنبیری و زانستی وان، نوکە ئافرەت ب ھێز دناڤ قادا سیاسی دایە و رولەکێ پوزە تیڤ دناڤ پارتێن سیاسی و جڤاکی دا ھەیە و ل وێ باوەرێدامە تا چەند سالێن دی ئافرەت دێ سەرکردا پارتێن سیاسی کەت.
روژایێ گوت: ب دیتنا من پێدڤی یە جێگرێ سەروک وەزیران ئافرەت بیت، و وەزارەتا پەروەردێ و ساخلەمیێ و دارایی، پێدڤی یە نیڤا پۆستێن وەزاری ب دەستێ ئافرەتێ دابیت، ژ بەر کو لدووڤ ڤەکولینێن نوو ئافرەت پتر ژ زەلامی ژ بوی رێڤەبرنا ھەر پۆستەکی سەرکەفتی و خە م خور ترە و ب ھەموو ئە رکێ خو راد بیت.
