پێزانين ل سه‌ر فۆرمێن كۆمسيۆنێ د خۆش نينن
ئەڤرۆ نيوز:
پەیڤدارێ کۆمسیونا بلند یا سەربخوە یا ھەلبژارتن و ڕاپرسیێ ل ھەرێما کوردستانێ دیار کر، ھەتا نوکە وان چ فۆرم ژێک جودا نەکرینە و ل حەفتیا بھێت ب رژدی دێ دەست ب جوداکرنا وان کەن و گۆت: “مە پێدڤی ب ھەیڤەکێ ھەیە بۆ جوداکرنا فۆرمان”.
شێروان زرار، پەیڤدارێ کۆمسیونا بلند یا سەربخوە یا ھەلبژارتن و ڕاپرسیێ ل ھەرێما کوردستانێ خویا کر، حەفتیا بھێت جڤاتا کۆمسیونێ دێ کۆم بیت و ب رژدی دانوستاندنێ ل سەر جوداکرن و ڕاگەھاندنا ناڤێ وان کەسان کەت کو فۆرم بۆ دامەزراندنێ پێشکێشکربوون و بۆ SNN گۆت: “ئەو جھێ ئەم نوکە لێ یێ دەمی یە و چ جە بۆ جوداکرنا فۆرمان نینن”.
ئاشکرا ژی کر، پێدڤیە بۆ جوداکرنا فۆرمان ھۆلەکا بەرفرەە بھێتە دابینکرن، چونکو فۆرمە دێ ھێنە چاپکرن و ژ لایێ لژنەکا پێنج کەسی ڤە ھێنە جوداکرن، ئەڤ پرۆسە ژی ھەیڤەکێ دێ ڤەکێشیت.
پەیڤدارێ کۆمسیونا بلند یا سەربخوە یا ھەلبژارتن و ڕاپرسیا ھەرێمێ ئاماژە ب وێ چەندێ کر، دەرچوویێن پشکێن (داتابەیس، ئامار، کۆمپیۆتەر، کارگێری، دارایی، یاسا و رامیاری و پەیوەندیان) پتر ژ ھەموویان چانسێ دامەزراندنێ یێ ھەی.
