پێشبينيا هه‌بوونا 100 هزار ناڤێن مريان ودووباره دتۆمارێن ده‌نگدانێ دهێته كرن
ئه‌ڤرۆنيوز:
ل هه‌فتيا داهاتێ كۆمسيۆنا هه‌لبژارتن وراپرسيان ل هه‌رێما كوردستانێ دێ پاقژكرنا تۆمارێن ده‌نگده‌ران راگه‌هينيت، به‌رپرسه‌كێ كۆمسيۆنێ ژى پێشبينيا ژێبرنا 100 هزار ناڤێن مريان ودووباره ژتۆمارا ده‌نگده‌ران دا دكه‌ت.
جوتيار عادل، ئه‌ندامێ كۆمسيۆنا بلند يا هه‌لبژارتن وراپرسيان ل هه‌رێما كوردستانێ دياركر كو كارێ وان بۆ پاقژكرنا ليستا ده‌نگده‌ران يێ به‌رده‌وامه ول هه‌فتيا داهاتى دێ كۆمسيۆن كارێن خوه ب دووماهى ئينيت وليستا ناڤێن زێده ودووباره ومريان دێ راگه‌هينيت كو د تۆمارێن ده‌نگه‌ده‌ران دا دێ هێنه ده‌ركرن.
جوتيار عادل بۆ رووداو دياركر كو ئه‌و پێشبينيێ دكه‌ت گه‌له‌ك ناڤێن زێده ودووباره ويێن مريان ژليستا تۆمارا ده‌نگده‌ران دا هه‌بن وگۆت” پێشبينيێ دكه‌م زێده‌تر ژ 100 هزار ناڤێن مريان ودووباره وزێده دتۆمارێن ده‌نگده‌ران دا هه‌بن، ئه‌و هه‌موو ژى دێ هێنه ژێبرن”.
