سه‌نته‌رێ قه‌زا شنگال ب ته‌مامى هاته ئازادكرن
ئه‌ڤرۆ نيوز:
به‌رى ده‌مه‌كێ كێم هێزێن پێشمه‌رگه‌ى ب ته‌مامى سه‌نته‌رێ باژێرێ شنگال ئازادكر و ئالايێ كوردستانێ ل ناڤه‌ندا باژێرى بلند كر.
په‌يامنێرێ ئه‌ڤرۆ نيوز ل گه‌ل ئۆپه‌راسيۆنێن رزگاركرنا شنگال، ئۆمێد وه‌لاتى، بۆ ئه‌ڤرۆ نيوز راگه‌هاند كو به‌رى ده‌مه‌كێ كێم سه‌نته‌رێ قه‌زا شنگال ب ته‌مامى هاته رزگاركرن و ئالايێ كوردستانێ ل سه‌نته‌رێ باژێرى هاته بلند كرن.
رۆژا دويێ يه ل سه‌ر ئێك ب سه‌رپه‌رشتيا سه‌رۆك بارزانى ئۆپه‌راسيۆنا رزگاركرنا شنگالێ ده‌سپێكرى و هه‌تا نوكه چه‌ندين ده‌ڤه‌رێن گرنگ و ستراتيژى كه‌فينه ده‌ستێ داعش و ژ هه‌موويان گرنگتر رێيا 47 يا نێڤده‌وله‌تى د ناڤبه‌را شنگال و مووسل و ره‌قا دا و دوريانا گرعزێر كو ل سه‌ر رێيا سه‌ره‌كيا شنگال تله‌عفه‌ره و نوكه ئازادكرنا سه‌نته‌رێ قه‌زا شنگال.
