پێشمه‌رگه‌ى هێرشه‌كا داعش ل شنگال تێكشاند
ئه‌ڤرۆ نيوز، له‌زگين جۆقى:
فه‌رماندێ هێزێن شه‌ركه‌رێن ئێزدى و ئه‌ندامێ لقێ 17 يێ پارتى ديموكراتى كوردستان راگه‌هاند كو ئه‌وان ئه‌ڤرۆ هێرشه‌كا داعش تێكشاند و بۆ ئازادكرنا شنگا چاڤه‌رێ گه‌هشتنا پێشمه‌رگه‌ى نه.
قاسم شه‌شۆ، فه‌رماندێ هێزێن شه‌ركه‌رێن ئێزدى و ئه‌ندامێ لقێ 17 يێ پارتى ديموكراتى كوردستان، بۆ ئه‌ڤرۆ نيوز گۆت: “ئه‌ڤرۆ پشتى نيڤرۆ چه‌كدارێن داعش ژ لايێ رۆژهه‌لاتێ ڤه هێرش كره سه‌ر پێشمه‌رگێ كوردستانێ و شه‌رڤانێن ئێزديان”.
زێده‌تر گۆت: “پێشمه‌رگێ كوردستانێ و شه‌رڤانێن ئێزدى ب ره‌نگه‌كێ گه‌له‌ك باش به‌رسينگێ وان گرت و ئه‌و تێك شكاندن و ب ده‌هان ته‌رمێن وان ئێخستنه وێرێ”.
ئه‌ندامێ لقێ 17 يێ پارتى ديموكراتى كوردستان ئه‌و چه‌نده ژى ئاشكه‌را كر كو بۆ ئازادكرنا شنگال ئه‌و چاڤه‌رێ گه‌هشتنا هێزه‌كا پێشمه‌رگه‌ى نه و گۆت: “پێشبينى دكه‌م د ڤێ حه‌فتيێ دا، هێرشێ بكه‌ينه سه‌ر شنگال و ئازاد بكه‌ين”.
