پێشمه‌رگه‌يى ئه‌ڤ ده‌ڤه‌ره ژى رزگار كرن
ئه‌ڤرۆ:
ئەندامەکێ جڤاتا قەزا تلکێفێ بۆ ئەڤرۆ دیارکرکو دەڤەرا تلسینی و تلعەدس و مسکلات و منارا وکومەلگەھا بابیرێ ب ھەر پێنچ گۆندان ڤە ل دەڤەرا تلکێفێ ژ دەستێن تیرۆرستان ھاتنە رزگارکرن و پلانەکا باش یا ھاتیە دانان کو قەزا تلکێفێ ژی د دەمەکێ گەلەک نێزیکدا دێ ھێتە رزگارکرن ھەتا سەرێ سالا نوو بھوستەکا ئاخا دەڤەرێ د دەستێن تیرۆرستان دا نامینیت.
ئەمجەد رەشۆ ئەندامێ جڤاتا قەزا تلکێفێ بۆ ئەڤرۆ دیارکر کو خوەکوژێن داعش ھاتنە دەرئێخستن ژ دەڤەرێن تلسینێ و منارا و تلعەدس و کومەلگەھا بابیرێ وچەندین دەڤەرێن دی یێن ب سەر ب قەزا تلکێفێ ڤە و ب تمامی ھاتنە رزگارکرن ژ دەستێن تیرۆرستان و دۆرین ٣٠٠ مالێن وەلاتیان ل کومەلگەھا بابیرێ یێن ڤەگەریانە سەر مال و مولگێن خوە ل کومەلگەھێ و نۆکە ژیانا ئاسایی بووی و ھێزێن پێشمەرگێ کوردستانێ کونترۆل یا ل سەر دەڤەرێ کری .
ئەمجەدی گۆت ژی” خەلکەک ھێدی ھێدی یێ ڤەدگەرینە سەر مال و مۆلگێن خوە و ھەتا سەرێ سالا نوو دێ تلکێفێ ب تەمامی ژ دەستێن تیرۆرستان ھێتە رزگارکرن”.
ئەندامێ جڤاتا قەزا تلکێفێ ئاشکرا کرکو ھژمارەکا باش ژ گەنجێن دەڤەرێ وەکو خوەبەخش بەرھەڤن مل ب ملێ پێشمەرگێ کوردستانێ ھێرشێ بکەن و تلکێفێ ژ تیرۆرستان رزگار بکەن و ب تنێ ئەم چاڤەرێی فەرمانا سەرۆک بارزانی دکەین و ھەر دەمێ فەرمانێ بدەت، دێ گەنجێن دەڤەرێ ل گەل پێشمەرگێ کوردستانێ شەڕێ تیرۆرستان کەن و ناھێلن بھوستەکا ئاخا کوردستانێ د دەستێن تیرۆرستاندا بمینیت.
ئاماژە دا وێ چەندێ ژی کو ل دووڤ پێزانێنێن مە پلانەکا باش ھاتیە دانان بۆ رزگارکرنا قەزا تلکێفێ و ھەتا سەرێ سالا نوو دێ یا رزگارکری بیت وھەر دەمێ ھاتە رزگارکرن، دێ ئێکسەر خزمەتا خەلکێ خوە ل قەزا تلکێفێ کەین و ژیان دێ یا ئاسایی بیت و ھەموو وەلاتی دێ ڤەگەرنە سەر مال و مولگێن خوە، چونکی تیرۆرستان چو بیروباوەری نینن ب تنێ کارێن ھۆڤانە دژی مرۆڤاتیێ ئەنجام دەن ل دەمەکێ گەلەک نێزیک دێ تیرۆر ژناڤ چیت.
ئەندامێ جڤاتا قەزا تلکێفێ گۆت پشتی تیرۆرست بەر ب لاوازیێ چووین، چو ب دەستێ تیرۆرستان نەمایە و ل سەنتەرێ قەزا تلکێفێ خوەکوژێن داعش دەست ب پەقاندنا مالێن وەلاتیان کریە تایبەتی ژی مالێن کادرێن پارتی و لایەنێن سیاسی گەلەک ھاتینە پەقاندن ل تلکێفێ و مال ودوکانێن وەلاتیان ژی ھاتینە تالانکرن ھەر دەمێ تلکێفێ ھاتە رزگارکرن یا دشیاندا بیت بۆ خزمەتکرنا خەلکێ خوە ئەم دێ ئەنجام دەین و ئەم ب ھیڤینە تلکێفێ ژی ل دەمەکێ گەلەک نیزیک بھێتە رزگارکرن، ژ بەر کو تیرۆرست گەلەک یێن لاواز بووین و یێن د رەڤن و ئێدی نەشێن ھێرشێن خوە یێن چەپەل دژی خەلکێ سڤیل ئەنجام بدەن و پێشمەرگێ کوردستانێ سەرکەفتنێن مەزن تۆماردکەت”.
