پێشمه‌رگه‌يى هێرشه‌كا مه‌زن يا داعش تێكشكاند
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ هێزێن پێشمه‌رگه‌يى بۆ ئه‌ڤرۆ نيوز راگه‌هاند كو هێزێن پێشمه‌رگه‌يى ب پشته‌ڤانيا فرۆكێن هێزێن هه‌ڤپه‌يمانيا نێڤده‌وله‌تى شيان به‌رسينگێ هێرشه‌كا چه‌كدارێن داعش ل رۆژئاڤايێ مووسل بگرن و چه‌كدارێن داعش ب ده‌هان كه‌له‌خێن كوشتيێن خوه ل مه‌يدانا شه‌رى ب جهـ هێلان.
ئه‌ڤى فه‌رماندێ پێشمه‌رگه‌يى كو ئه‌ڤرۆ نيوز پاراستن ل سه‌ر ناڤێ وى كريه، گۆت: “هێزێن پێشمه‌رگه‌يى ب پشته‌ڤانيا فرۆكێن هێزێن هه‌ڤپه‌يمانيا نێڤده‌وله‌تى ل دره‌نگيا شه‌ڤا پێنجشه‌مبى به‌رسينگێ هێرشه‌كا چه‌كدارێن داعش ل شنگال دا”.
زێده‌تر گۆت: “ئه‌ڤ شه‌ره بۆ ماوێ چه‌ند ده‌مژمێران د ناڤبه‌را پێشمه‌رگه‌يى و چه‌كدارێن داعش دا يێ به‌رده‌وام بوو و هێزێن هه‌ڤپه‌يمانيا نێڤده‌وله‌تى ژى ب فرۆكان هێرش كره سه‌ر وێ هێرشا داعش و پێكڤه شياين وێ هێرشا داعش تێك بشكێنين”.
ئاماژه ب وێ چه‌ندێ ژى كر كو داعش هژماره‌كا كوشتيێن خوه ل مه‌يدانا شه‌رى هێلاينه و هێزێن پێشمه‌رگه‌يى ژى هژماره‌كا گه‌له‌ك كێم يا برينداران هه‌بووينه و چو شه‌هيد نه‌بووينه و گۆت: “ل ڤان رۆژێن سه‌قايێ نه‌خۆش داعش ب ده‌ليڤه دزانيت و هێرشێ دكه‌ت، به‌لێ پێشمه‌رگه يێ ب سه‌رهه‌لبووى و دزانيت دێ چاوان سه‌ره‌ده‌ريێ ل گه‌ل كه‌ت”.
