پێشمه‌رگه‌يى چار گوندێن نوو كۆنترۆلكرن و شه‌هيدێن هه‌ين
ئه‌ڤرۆ نيوز:
سپێده‌هيا ئه‌ڤرۆ رۆژا ئه‌ينى رێكه‌فتى 11ى ئيلۆنا 2015ێ، هێزێن پێشمه‌رگه‌يى هێرشه‌كا به‌فره‌هـ بۆ كۆنترۆلكرنا چه‌ند گۆندێن باشوورێ كه‌ركووك ده‌سپێكر و سێ گۆند ئازاد كرن و پێشمه‌رگه‌يى شه‌هيد و بريندار ژى يێن هه‌ين.
ئۆپه‌راسيۆن ژ سێ لايان ڤه ب پشته‌ڤانيا فرۆكێن شه‌ركه‌رێن هه‌ڤپه‌يمانان ب رێڤه دچيت، بۆ كونترۆلكرنا 13 گۆندان ل سنورێ قه‌زا داقووق ل باشوورێ كه‌ركوووك.
نه‌قيب رێكه‌وت محه‌مه‌د ئاخفتنكه‌رێ ب ناڤێ ليوا 16 يا پياده، بۆ تۆڕا ميديايى يا رووداو گۆت: “نوكه چار گۆند (ته‌لره‌بيعه، شه‌عبانيه، سه‌بعه نيسان و ئه‌لبۆ محه‌مه‌د) كۆنترۆلكرينه”.
ده‌رباره‌يى زيانێن پێشمه‌رگه‌يى د هێرشێ دا، موقه‌دم ياسين عه‌بدولا، فه‌رماندێ هه‌والگه‌ريێ ل ليوا 9 يا پياده، بۆ رووداو گۆت: “ژ ئه‌گه‌رێ ته‌قينه‌كا بۆمبه‌كا چاندى، ب گوله‌يا قه‌ناسێ، سێ كه‌س شه‌هيد بووينه و 13 يێن دژى بريندار بووين”.
موقه‌دم ياسين گۆتژى: “دو نه‌خۆشخانه يێن گه‌رۆك و برينه به‌ريێن شه‌رى بۆ چاره‌سه‌ركرنا برينداران، ئێكسه‌ر ژى ژ لايێ نوشدارێن ئه‌مريكى ڤه دهێنه سه‌رپه‌رشتيكرن”.
