پێشمه‌رگه فێری ئاشكراکرنا چه‌كێ كێمیایی دبن
ئه‌ڤرۆ نیۆز، ره‌مه‌زان هه‌رنی :
فه‌رماندێ سریا بەره‌ڤانیا كێمیایی ل وه‌زاره‌تا پێشمه‌رگه‌ی دیاركر: پشتی سێ هەیڤان ل مه‌شق و راهێنانان ب چه‌ند ئامێره‌كێن تایبه‌ت لسه‌ر چه‌وانیا ئاشكراكرنا چه‌كێ كێمیایی و پاقژكرنا جهێ ماددێ كێمیایی گه‌هشتیێ لسه‌ر ده‌ستێ ماموستایێن ئه‌لمانی و سویدی ل سریا به‌ره‌ڤانیا كیمیایێ چه‌ندین پێشمه‌رگه‌یان راهێنان وەرگرتینە.
رائید ئیسلام چالی فه‌رماندێ سریا بەره‌ڤانیا كێمیایی ل وه‌زاره‌تا پێشمه‌رگه‌ی بۆ ئه‌ڤرۆ نیۆز دیاركر ، ب به‌رهه‌ڤبوونا فه‌رماندێ سوپایێ ئه‌لمانیا ل كوردستانێ مه‌راسیما دوماهیا ئێكه‌م خولا راهێنانا چەکێ کێمیایی باوه‌رنامە ب سه‌ر پێشمەرگەیان دا هاتنه دابه‌شكرن و پێشمه‌رگه فێرێ ئاشكراکرنا چه‌كێ كییمایێ بوون و هه‌روه‌سا پاقژكرنا وان جهێت كێمیا دگه‌هیتی پێدڤیه بله‌ز بهێت پاقژكرن.
فه‌رماندێ سرسیا كێمیا یێ گوتژی ، فه‌رماندێ سوپایێ ئه‌لمانیا سه‌رسام بۆ ب رولێ پیشمه‌رگه‌یان كو گه‌له‌ك زو فێری وه‌رگرتنا وانه‌یان دبن و دشێن كارێن خوه بسه‌ركه‌فتیانه ئه‌نجام بده‌ن ل دوماهیێ چه‌ندین دیاری و خه‌لات ب سه‌ر پشكداربۆنان هاتنه دابه‌شكرن و لوگویێ وه‌زاره‌تا پێشمه‌رگه‌ی ب فه‌رماندێ سوپای ئه‌لمانیا ل كوردستانێ هاته به‌خشین.
سریا به‌ره‌ڤانیا كیمیایی ل وه‌زاره‌تا پێشمه‌رگه‌ی پشكه‌كا نوویه سالا 2016 هاتیه دامه‌رزاندن به‌رده‌وام مه‌شق و راهێنانا ب پێشمه‌رگه‌ی دكه‌ت د وارێ كیمیایی دا.
