پێشمه‌رگه ل شنگالێ رێگريێ ل هێزه‌كا له‌شكرێ عيراقێ دكه‌ت
ئه‌ڤرۆنيوز:
هێزه‌كا له‌شكرێ عيراقێ ئه‌ڤرۆ چارشه‌مبى پشتى بزاڤكرى بچيته دناڤ مه‌زارێ شه‌ره‌فه‌ين دناڤبه‌را گوندێ حه‌ردان وسنوونێ، ژئاليێ هێزێن پێشمه‌رگه‌ى ڤه رێگرى لێ هاته كرن.
هه‌كار نهێلى، فه‌رماندێ هيزێن پێشمه‌رگه‌ى ل وى سنورى راگه‌هاند” ئه‌ڤرۆ هێزه‌كا له‌شكرێ عيراقێ بزاڤكر بچيته دناڤ مه‌زارێ شه‌ره‌فه‌دين ل شنگالێ، به‌لێ پێشمه‌رگه‌ى رێگرى لێكر”.
هه‌كار زێده‌تر بۆ وشه گۆت” هێزێن پێشمه‌رگه‌ى رێ نه‌دا ئه‌و هێزا عيراقى بچيته وى سنورى پاشى بزاڤ هاته كرن ب دانوستاندنێ كێشه بهێته چاره‌كرن”.
ل دووڤ پێزانينان، ئه‌و هێزا له‌شكرێ عيراقى خوه ڤه‌كێشا ونه‌چو پێش، هه‌ڤده‌م ل نێزيك دوريانا شه‌ره‌فه‌دين، هێزه‌كا دى يا له‌شكرێ عيراقێ هه‌بوو وئه‌ڤرۆ ئه‌وژى هاته ڤه‌كێشان.
