پێشمه‌رگه و هه‌ڤپه‌یمانان داعشێن گونده‌كی هه‌موو كوشتن
ئه‌ڤرۆ نیۆز، قائید میرۆ
فه‌رمانده‌كێ فه‌رمانده‌یا زێره‌ڤانی دیاركر، ئێڤاریا ئه‌ڤرۆ ل دۆریانا كه‌سكێ، پیلانه‌كا داعش هاتیه ژناڤبرن و د ئه‌نجامدا هژماره‌كا به‌رچاڤ یا تیرۆرستان هاتینه كوشتن.
موقه‌ده‌م دلشاد مه‌ولود، به‌رپرسێ هۆبا راگه‌هاندنا فه‌رمانده‌یا زێره‌ڤانی ب ئه‌ڤرۆ نیۆز راگه‌هاند” ده‌مژمێر حه‌فتی ئێڤاریا ئه‌ڤرۆ، ل گوندێ عاشق یێ نێزیك دۆڕیانا كه‌سكێ داعش مژۆلی بجه ئینانا پیلانه‌كێ بوون دژی هێزێن پێشمه‌رگه‌ی، به‌لێ ژلایێ فڕۆكه‌یێن هه‌ڤپه‌یمانان ب هه‌ماهه‌نگیا فه‌رمانده‌یا زێره‌ڤانی، بنگه‌هێن داعش لڤی گوندی هاتنه بوردۆمانكرن.
موقه‌ده‌م دلشادی گۆتژی” گوره‌ی زانیاریێن گه‌هشتینه ده‌ستێ مه، هژماره‌كا زۆرا چه‌كدارێن داعش ل گوندێ عاشق بووینه و ب ئه‌گه‌رێ ئه‌ڤێ دڕبا ژلایێ هه‌ڤپه‌یمان و فه‌رماندا زێره‌ڤانی هه‌موو داعش هاتینه كوشتن، به‌لێ هژمارا نه‌هاتیه زانین “.
