پێشمەرگەی شەش چەکدارێن داعش کوشتن
ئەڤرۆ نیۆز، قائید میرۆ:
شەڤا بۆری ل میحوەرێ خازر ھێزێن پێشمەرگەی ب ھەڤکاریا ھەڤپەیمانا شەش تیرۆرستێن داعش کوشتن.
عەقید دلشاد مەولوود، بەرپرسێ ھۆبا راگەھاندنا فەرماندا زێرەڤانی بۆ ئەڤرۆ نیۆز راگەھاند” شەڤا بۆری پێشمەرگەیێن فەرماندا زێرەڤانی ب ھەماھەنگیا ھەڤپەینانان، ل میحوەرێ خازر ب چەکێ گران و ئەردی، خرڤەبوونەکا چەکدارێن داعش ل گوندێ بازگرکان کرە ئارمانج.
عەقید دلشادی گۆتژی” گورەی زانیاریێن دەست پشکا ھەوالگەریا زێرەڤانی کەفتینە، د ئەنجامێ بوردۆمانا پێشمەرگەی شەش تیرۆرستێن داعش ھاتینە کوشتن و ھژمارەکا پترژی برینداربووینە”.