پێشمەرگەی فڕۆکەیەکا داعش ئێخست
ئەڤرۆ نیۆز، قائید میرۆ:
داعش گوندەکێ ناحیا گوێڕ بوردۆمانکر و ھێزێن پێشمەرگەیژی فڕۆکەیەکا بێ فڕۆکەڤانا داعش ئێخستە خوار.
رائید پیرۆ رەشید فەرماندێ پێشمەرگەی ل میحوەرێ گوێڕ بۆ ئەڤرۆ نیۆز گۆت: “سپێدەھیا ئەڤرۆ تیرۆرستێن داعش گوندێ سێ چالە یێ گرێدایێ ناحیا گوێڕ ل میحوەرێ مەخموور بوردۆمانکر، بەلێ چو زیان نەگەھشتنه ھێزێن پێشمەرگەی”.
رائید پیرۆی گۆتژی: “ھەر ئەڤرۆ بەری نیڤرۆ ھێزێن پێشمەرگەی ل گوندێ سێ چالە، شیان فڕۆکەیەکا سیخۆریا داعش بشکێنن و کەفتە ناڤ دەستێن ھێزێن پێشمەرگەی دا، بەلێ فڕۆکە یا بێ فڕۆکەڤان بوویە و بۆ کۆمکرنا زانیاریان ھاتیە ھنداڤی دەڤەرێ”.
