پێشنیاره‌یاسایا ماف و ئمتیازاتێن پێشمه‌رگێن دێرین ئاراسته‌ی سه‌رۆكاتیا په‌رله‌مانی دهێته كرن
ئه‌ڤرۆ:
لژنا پێشمه‌رگه‌ی ل په‌رله‌مانێ كوردستانێ پێشنیاره‌یاسایا ماف و ئمتیازاتێن پێشمه‌رگێن دێرین ئاراسته‌ی سه‌رۆكاتیا په‌رله‌مانێ كوردستانێ دكه‌ت و سه‌رۆكێ لژنێ ژی دبێژیت: ئه‌م ل گه‌ل وه‌زیرێ پێشمه‌رگه‌ی ل حوكمه‌تا هه‌رێما كوردستانێ دێ كۆم بین ب مه‌ره‌ما دووڤچوون و چاره‌سه‌ركرنا ئاریشێن هێزێن پێشمه‌رگه‌ی.
ب مه‌ره‌ما دووڤچوونا هه‌ژماره‌كا پرسێن گرێدای ب ئاریشه‌یێن هێزێن پێشمه‌رگه‌ی، لژنا كاروبارێن پێشمه‌رگه‌ی ل په‌رله‌مانێ كوردستانێ ب سه‌رپه‌رشتیا رێڤینگ هرۆری، سه‌رۆكێ لژنێ و جێگرێ سه‌رۆكێ لژنێ و بڕیارده‌ر و ئه‌ندام و شیره‌تكارێن لژنێ كۆمبوو.
رێڤینگ هرۆری، سه‌رۆكێ لژنا كاروبارێن پێشمه‌رگه‌ی ل په‌رله‌مانێ كوردستانێ خویا كر، وان دانوستاندن ل سه‌ر ئاریشێن لیوا و هێزێن پێشمه‌رگه‌ی كر و گۆت: “لژنا مه دێ سه‌ره‌دانا وه‌زاره‌تا پێشمه‌رگه‌ی كه‌ت و ل گه‌ل وه‌زیرێ پێشمه‌رگه‌ی ل حوكمه‌تا هه‌رێما كوردستانێ دێ كۆم بین ب مه‌ره‌ما دووڤچوون و چاره‌سه‌ركرنا ئاریشێن هێزێن پێشمه‌رگه‌ی”.
ناڤهاتی ئاماژه ب وێ چه‌ندێ ژی كر كو پێشنیاره‌یاسایا ماف و ئمتیازاتێن پێشمه‌رگێن دێرین ئاراسته‌ی سه‌رۆكاتیا په‌رله‌مانێ كوردستانێ دێ هێته كرن بۆ وێ چه‌ندێ ب رێیا وان بیر و بۆچوونێن لایه‌نێن په‌یوه‌ندیدار ل حوكمه‌تا هه‌رێما كوردستانێ ل سه‌ر ڤه‌رێژێن وێ پێشنیاره‌یاسایێ وه‌ربگرن.
