پێشنیازه‌ك د به‌رژوه‌ندا قوتابیێن پولا دوازدێ دا هاتیه كرن
ئه‌ڤرۆ نیوز، سالار دۆسكى
ئه‌ندامه‌كا په‌رله‌مانێ كوردستانێَ ئاشكراكر پێشنیازه‌ك ب رێكا سه‌رۆكاتیا په‌رله‌مانى بۆ وه‌زاره‌تا په‌روه‌ردێ بلندكریه و ئه‌و پێشنیاز د به‌رژه‌وندیا قوتابیان دایه.
مه‌دینا ئه‌یۆب ئه‌نداما فراكسیۆنا پارتى دیموكراتى كوردستان بۆ ئه‌ڤرۆ نیۆز گۆت: وه‌ك ئه‌ندام په‌رله‌منتاره‌ك من پێشنیاره‌ك بۆ سه‌رۆكاتیا په‌رله‌مانێ كوردستانێ بلندكریه كو هه‌ر هه‌موو قوتابیێن پولا دوزدێ ئاماده‌یى پشكدارى تاقیكرنێن ویزارى دا بكه‌ن.
مه‌دینایێ هێشتا گۆت: ئارمانج ژڤێ پێشنیارێ ئه‌و هه‌رێم ئه‌ڤ ساله كاودانه‌كێ تایبه‌ت دا دبوریت و ئه‌ڤان قوتابیان نه‌شیایه خواندنا خوه ب دورستى ده‌ربازبكه‌ن.
دیسان گه‌له‌ك ژ ئه‌ڤان قوتابیان زارۆیێن شه‌هیدانه و كاودان كراتێكرنا مه‌عنه‌وى و ده‌روونى لێكریه، له‌وما داخاز ژ وه‌زاره‌تا په‌روه‌ردێ دكه‌م ب زووترین ده‌م رازیبوونێ ل سه‌ر پێشنیارا مه دیار بكه‌ت، چونكه ده‌مێ ئه‌زمونان نێزیك دبیت دا كارتێكرنێ ل قوتابیان نه‌كه‌ت و هه‌ر زوو ده‌ست ب خواندنا خوه بكه‌ت.
ناڤبریێ ئاشكراكر كو گه‌له‌ك قوتابیان نه‌شێن پشكدارى د تاقیكرنێن دووماهیێ سالێ دا بكه‌ن و ب تایبه‌ت قوتابیێن ده‌ره‌كى له‌وما ئه‌ڤ پێشنیاره بۆ به‌رژوه‌ندیا گشت قوتابیێن كوردستانێ مه بلندكریه.