پێله‌كا باران بارينێ دێ ب سه‌ر هه‌رێمێ دا هێت
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو هه‌رێم دێ ل رۆژا ئه‌ينى كه‌ڤيته به‌ر پێله‌كا باران بارينێ و ل دهۆكێ دێ ژ هه‌موو ده‌ڤه‌ران پتر باريت و پلێن گه‌رماتيێ ژى دێ هێنه خوار.
پشكا پێشبينيا ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ل رۆژا ئه‌ينى رێكه‌فتى 10ى نيسانا 2015ێ ژ ئه‌نجامێ ئێكگرتنا فشارێن نزمێن ده‌ريا ناڤه‌راست و ده‌ريا سۆر، بۆ سه‌ر هه‌رێما كوردستانێ ئه‌سمانێ هه‌رێمێ دێ ب تمامى بيته ئه‌ور و باران دێ باريت و ل ده‌ڤه‌رێن چيايى ژى دێ ب دژوارى باريت و ئه‌ڤ باران بارينه دێ ل دهۆكێ زێده‌تر لێ هێت و ل ده‌مێ باران بارينێ دێ بريسى ژى ل گه‌ل بن.
زێده‌تر د نڤيساره‌كێ ديار دكه‌ت كو دێ توزه‌كا سڤك ژى ل گه‌ل ڤێ باران بارينێ هه‌بيت و پلێن گه‌رمێ ژى 4 بۆ 6 پلان دێ هێنه خوار و له‌زاتيا بايى ژى دێ زێده بيت بۆ 20 هه‌تا 30 كيلۆمه‌تريان د ده‌مژمێره‌كێ دا.
ئاماژه ب وێ چه‌ندێ ژى كريه كو كارتێكرنا ڤان هه‌ردو فشارێن نزم هه‌تا رۆژا شه‌مبى رێكه‌فتى 11ى نيسانا 2015 دێ يا به‌رده‌وام بيت.
