پێله‌كا دى يا باران بارينێ يا ب رێڤه
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ پێشبينيێن سه‌قاى بۆ ده‌مێ 48 ده‌مژمێرێن داهاتى به‌لاڤ دكه‌ت.
ئه‌ڤرۆ ئێكشه‌مبى 22/4/2018، رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێمێ دياركر كو ئه‌ڤرۆ ل هه‌موو ده‌ڤه‌رێن هه‌رێما كوردستانێ ئه‌سمان دێ دناڤبه‌را ئه‌ور ونيمچه ئه‌ور دابيت ول هه‌موو ده‌ڤه‌رێن كوردستانێ دێ باران بارين ده‌ستپێكه‌ت.
ل دووڤ پێشبينيێن رێڤه‌به‌ريا ناڤبرى، ل هنده‌ك ده‌ڤه‌رێن هه‌رێما كوردستانێ بارانه‌كا ب هێز ل گه‌ل تۆزێ دێ باريت ودێ بريسى ژى دگه‌لدا بن.
دياركر ژى كو سه‌قايێ باژێرێن هه‌رێمێ سوباهى 23/4/2018 دێ ئه‌ورێ تمام ونيمچه ئه‌ور بيت.
