پێلەکا بەفرێ دەڤەرا کانی ماسێ ڤەگرت
ئەڤرۆ نیۆز ، زنار تۆڤی:
شڤێدی پێلەکا سەرمایێ دەڤەرا کانی ماسێ یا سەر ب قەزا ئامێدیێ ڤە گرتیە و د ئەنجامدا پێلەکا بەفرێ لێ باریە.
مستەفا ئەحمەد ژ هوبا چاندنێ ل کانی ماسێ بۆ ئەڤرۆ نیۆز ئاشکراکریە:کو ل شەڤا بوری ل سەنتەرێ ناحیا کانی ماسێ 2 سەنتیمێن بەفرێ بارینە و هەروەسا بەفر ل چەندین گوندێن ڤێ دەڤەرێ ژی باریە و دیسا ل خالا گۆمرکا سەرزێری پتر ژڤێ رێژێ باریە و سەقایێ ڤێ دەڤەرێ ژی گەلەک ساربوویە،د هەمان دەمدا ل شەڤا بوری 15 ملیمێن بارانێ ل ڤێ دەڤەرێ بارینە.
مستەفای زێدەتر گوت:هەتاکو نوکە ل ناحیا کانی ماسێ 14 سەنتیمێن بەفرێ بارینە و هەروەسا 227 ملیمێن بارانێ ژی بارینە،لێ ئەڤ سالە هەتاکو ڤی دەمی کێمتر باران ژ سالا پار باریە.
