پێنتاگۆن: د ساله‌كێ دا هه‌ڤپه‌یمانان 6700 هێرشێن ئه‌سمانى كرینه سه‌ر داعشێ
ئه‌ڤرۆ نیوز،زنار تۆڤى:
وه‌زاره‌تا به‌رگریا ئه‌مریكا (پێنتاگۆنێ) د دوماهیك راپۆرتا خوه‌دا به‌حسێ هێرشێن ئه‌سمانى یێن هه‌ڤپه‌یمانا ل سه‌ر تیرۆرستێن داعش ل عێراقێ و سوریا دا كرینه و تێدا دیاركریه، كو د ماوێ ساله‌كێ دا و ژ ده‌ستپێكا هێرشێن هه‌ڤپه‌یمانا و بتایبه‌تى ئه‌مریكا ل 8 ئابا سالا 2014 هه‌تاكو 15 ئابا 2015 دگه‌هیته 6700 هێرشێن ئه‌سمانى،
ژ وان ژی 4191 هێرش ل عێراقێ هاتینه ئه‌نجامدان ل سه‌ر مۆلگه‌هێن داعشان و 2502 هێرشێن ل سوریێ هاتینه ئه‌نجامدان و لدورێن پترى 5 هزار هێرشێن ئه‌سمانى ژلایێ ئه‌مریكاڤه هاتینه ئه‌نجامدان و هێرشێن دى ژلایێ كه‌نه‌دا و بریتانیا و فرنسا و ئوسترالیا و مه‌غرب و ئوردن و توركیا ڤه هاتینه ئه‌نجامدان،
هه‌روه‌سا دیاركریه،د وان هێرشان دا 119 تانك هاتینه سۆتن و 340 هه‌مه‌ر ژى هاتینه ژناڤبرن ژلایێ فرۆكان ڤه،هه‌روه‌سا 3262 باره‌گا و مولكه‌هێن داعش هاتینه ژناڤبرن. راپۆرتێ ئاماژه ب هندێ دایه كو هه‌تانوكه 15 هزار چه‌كدارێن داعش ل سوریێ و عێراقێ هاتینه كوشتن و پارنیا وان ل عێراقێ هاتینه كوشتن،هه‌روه‌سا تێچوویا شه‌رێ ل دژى داعش هه‌تانوكه گه‌هشتیه 3 ملیار و 700 ملیۆن دولاران،كو رۆژانه تێچوونێن شه‌رێ ل دژى داعش دگه‌هیته 9 ملیۆن و 900 هزار دولارێن ئه‌مریكى.
