پێنج قـوتابخانەیێن نـوو بۆ سالا نـوو یا خواندنێ دێ قوتابیان وەرگرن
دهۆك، دلۆڤان ئاكرەیی:
رێڤەبەرێ گشتی یێ وەبەرهێنانێ ل پارێزگەها دهۆكێ دیاركر، وان داخواز ژ رێڤەبەریا گشتی یا پەروەردەیا پارێزگەها دهۆكێ كرییە، كو پێنج قوتابخانەیێن نوو ل پڕۆژەیێن ئاكنجیبوونێ یێن وەبەرهێنانێ وەربگریت، دا كو بۆ سالا نوو یا خواندنێ 2026 – 2027 بكەڤنە د خزمەتا پرۆسێسا پەروەردەیێ دا.
دكتور هەڤال سەدیق، رێڤەبەرێ گشتی یێ وەبەرهێنانێ ل پارێزگەها دهۆكێ بۆ رۆژنامەیا ئەڤرۆ گۆت: «هەشت قوتابخانە د ناڤ پڕۆژەیێن جودا یێن وەبەرهێنانێ دا ل سنۆرێ پارێزگەهێ هاتینە دروستكرن، پێنج ژ وان قوتابخانەیان ب دووماهی هاتینە و سێیان ژی كار تێدا بەردەوامە».
گۆت ژی: «هەتا نوكە پتر ژ 20 مۆلەتێن وەبەرهێنانێ بۆ پڕۆژەیێن پەروەردەیی یێن نەحكومی ل سنۆرێ پارێزگەها دهۆكێ هاتینە دان».
