پێنج كه‌س ژ به‌ر بڕینا داران ل دهۆكێ دهێنه سزادان
دهۆك، له‌زگین
فه‌رماندێ هێزا دهۆك یا پێشمه‌رگه‌هێ پاراستنا ژینگه‌هێ دیار كر، هه‌ژماره‌كا زۆر یا داران ل سنوورێ دهۆكێ هاتینه بڕین و سه‌رپیچكاران ئه‌و دار د جه دا هێلاینه.
جه‌مال سه‌عدۆ، فه‌رماندێ هێزا دهۆك یا پێشمه‌رگه‌هێ پاراستنا ژینگه‌هێ دیار كر، ل نیزیكی گوندێ چه‌ڤریكێ ل پارێزگه‌ها دهۆكێ هنده‌ك كه‌سان هه‌ژماره‌كا زار یا بنێن داران بڕینه و ئه‌و داره د جه دا هێلاینه و گۆت: “پشتی ئه‌م هاتینه ئاگه‌هداركرن مه ده‌ست ب دووڤچوونێ ل سه‌ر ڤێ بوویه‌رێ كر د ئه‌نجام دا ژی پێنج سه‌رپێچیكار هاتینه ده‌سته‌سه‌ركرن، دو ژ سه‌رپێچیكاران بۆ دادگه‌هێ هاتینه ره‌وانه‌كرن، دوهی ژی 18/9/2022ێ سێ سه‌رپێچیكارێن دی هاتینه گازیكرن بۆ سزادانێ”.
ئاشكرا ژی كر كو ئه‌ڤ ساله به‌رامبه‌ر سالێن بۆری ب شێوه‌یه‌كێ گشتی رێژا ئه‌نجامدانا سه‌رپێچیان ل سه‌ر ژینگه‌هێ كێمبووینه، خه‌لك ژی هه‌ڤكاریا مه دكه‌ت بۆ پاراستنا ژینگه‌هێ.
