پێنج كورد بوونه ئه‌ندامێن په‌رله‌مانێ سویدێ
ئه‌ڤرۆ، سه‌رجان مه‌حمود:
رۆژا یه‌كشه‌مبیێ 2022/9/11 هه‌لبژارتنێن په‌رله‌مانێ سویدێ هاته ئه‌نجامدان و حه‌فت ملیۆن و حه‌فتسه‌د هزار وه‌لاتی چوونه سه‌ر سندۆقێن ده‌نگدانێ.
په‌رله‌مانێ سویدێ ژ 349 ئه‌ندامان پێك دهێت و ل دووڤ ئه‌نجامێن هه‌لبژارتنێ پارتا سۆسیال دیمۆكرات یا ده‌ستهه‌لاتدار دوباره ئه‌ركێ دروستكرنا حوكمه‌تا نوو یا سویدێ ب ده‌ست ئێخستیه لێ ب تنێ نه‌شێت كابینا نوو یا حوكمه‌تێ پێك بینیت و بۆ وێ چه‌ندێ دهێته چاڤه‌رێ كرن ل گه‌ل پارتا دیموكراتێن سویدێ و پارتا چه‌پ و پارتا كه‌سك حوكمه‌تا هه‌ڤپه‌یمانی بهێته ئاڤاكرن، لێ ژ به‌ر كو هه‌تا نها ژی هژمارتنا ده‌نگدان به‌رده‌وامه دهێته چاڤه‌رێكرن كو گوهۆرین د ئه‌نجامان دا روو بده‌ن.
د هه‌لبژارتنێن ڤێجارێ دا 15 كوردێن كو وه‌لاتیێن سویدێ نه د هه‌لبژارتنان دا خوه به‌ربژار كربوون و ژ 15 به‌ربژارێن كورد، 5 كه‌س سه‌ركه‌ڤتن بده‌ستڤه ئیناینه و بووینه ئه‌ندامێن په‌رله‌مانێ سویدێ. قادر كاسیرگا، سه‌ركان كۆسه و لاوێن رێدار ژ پارتا سۆسیال دیموكرات و گولان ئاڤجی ژ پارتا لیبرال و سارا سیپێل ژ پارتا دیموكرات یا سویدێ بووینه ئه‌ندامێن په‌رله‌مانێ وی وه‌لاتی.
