پێنج هزار كوردێن فه‌يلى چووينه ناڤ رێزێن حه‌شه‌د شه‌عبى
ئه‌ڤرۆ نيوز:
ئه‌ندامه‌كێ به‌ره‌يێ نشتيمانى يێ بلندێن كوردێن فه‌يلى دبێژيت: “فرقه‌كا مه‌شقدايى يا كوردێن فه‌يلى كو هژمارا وان پێنج هزار كه‌سن، بۆ پشكداريكرن د حه‌شه‌د شه‌عبى يا شيعان دا، هاتيه ئاماده‌كرن.
له‌تيف محه‌مه‌د ئه‌ندامه‌كێ به‌ره‌يێ نشتيمانى يێ بلندێ كوردێن فه‌يلى، ب مالپه‌رێ عه‌ره‌بى 21 راگه‌هاند: ئه‌و هێزه ژ پێنج هزار كه‌سێن كوردێن فه‌يلى پێكهاتيه، دێ چيته ناڤ حه‌شه‌د شه‌عبى يێ شيعان و ب ڤان نێزيكان دێ ب سه‌ر ده‌ڤه‌رێ دا هێنه به‌لاڤكرن.
نه‌وزاد سه‌باح، شرۆڤه‌كارێ سياسى ژى ب هه‌مان ژێده‌ر راگه‌هاند كو گه‌له‌ك ژ كوردێن فه‌يلى، د ناڤ حه‌شه‌د شه‌عبى دا پۆستێن بلند يێن هه‌ين ب تايبه‌ت ل ده‌ڤه‌رێن نێزيك كه‌ركووك و ديالا و سه‌لاحه‌دين.
