پێنج وه‌لاتى ب نه‌خوه‌شيا ئايدزێ ل هه‌رێما كوردستانێ يێن مرين
ئه‌ڤرۆ نيۆز:
وه‌زيرێ ساخله‌ميێ ل هه‌رێما كوردستانێ ئاشكرا دكه‌ت ل سالا 2017 چو وه‌لاتيه‌ك ب نه‌خوه‌شيا ئايدزێ نه‌هاتيه تۆماركرن وهه‌تا نوكه پێنج وه‌لاتى ژئه‌گه‌رێ وێ نه‌خوه‌شيێ دسالێن بۆرى دا يێن مرين.
رێكه‌وت حه‌مه ره‌شيد وه‌زيرێ ساخله‌ميێ ل هه‌رێما كوردستانێ ل به‌رپه‌رێ خوه ل سه‌ر تۆرا فه‌يسبووكێ به‌لاڤكر، هه‌تا نوكه ل هه‌رێما كوردستانێ رێژا نه‌خوه‌شيا ئايدزێ گه‌له‌ك يا نزمه ول 30 سالێن بۆرى تنێ 26 حاله‌تێن وێ نه‌خوه‌شيێ دناڤ وه‌لاتيێن هه‌رێما كودستانێ دا يێن هاتينه تۆماركرن وپێنج كه‌س ب وێ نه‌خوه‌شيێ يێن مرين.
وه‌زيرێ ساخله‌ميێ دبێژيت، دئه‌ڤ ساله دا ل هه‌رێما كوردستانێ چو حاله‌تێن ناڤخوه‌يى دناڤ وه‌لاتيێن هه‌رێما كوردستانێ دا نه‌هاتينه تۆماركرن، ل گه‌ل وێ 396 هزار و770 پشكنينێن تايبه‌ت ب ئايدزێ يێن هاتينه ئه‌نجامدان و26 حاله‌تێن هه‌لگرێ ڤايرۆسێ دناڤ بيانيان دا يێن هاتينه ديتن وئێكسه‌ر يێن هاتينه هنارتن بۆ وه‌لاتێن وان.
