پێنج ھزار سەربازێن ئەمریکی دێ ھێنە ئەنبار
ئەڤرۆ نيوز:
وەزیرەکێ حوکمەتا عیراقێ ئاشکراکر ھزار و ٦٠٠ سەربازێن ئەمریکی یێن ل پارێزگەھا ئەنبار ھەین و پێشبینی کر ھژمارا وان بگەھنە پێنج ھزار سەربازان و خویاکر ژی کو ھەڤتێگەھشتنەک د ناڤبەرا ئەمریکا و روسیا ھەیە بۆ ژناڤبرنا داعشێ.
باقر جەبر زوبێدی وەزیرێ ڤەگوھاستنێ و سەرکردێ جڤاتا بلند یا ئیسلامی د بەرپەرێ خوەدا ل سەر تۆرا فیسبووکێ دبێژیت” ھەبوونا ھزار و ٦٠٠ سەربازێن ئەمریکی ل ئەنبار کو دێ گەھنە پێنج ھزار سەربازان و ھەبوونا ب سەدان سەربازێن روسی و چەکێ پێشکەفتی و فرۆکێن (سیخۆی ٣٥) ل لازقیە و تەرتۆس ل سووریێ د چارچۆڤێ ھەڤرکیێ یە ل سەر دەڤەرێ ژبەر گرنگیا وێ یا ستراتیژی”.
زوبێدی گوت ژی” ئەمریکا دخوازیت داعشێ ل ئەنبار بشکێنیت بێ کو پشت بەستنێ ب حەشد شەعبی بکەت”.
