پێنچ وه‌لات ل دژی چونا توركیا بۆ لیبیا كۆم دبن
ئه‌ڤرۆ نیوز:
وه‌زیرێن ده‌رڤه‌یێن پێنچ وه‌لاتێن ئه‌ورۆپی و عه‌ره‌بی ل دژی ده‌ربازبوونا توركیانه بۆ لیبیا دێ كۆمبن.
بریاره كۆمبوون ل رۆژا 8/1/2020 ل قاهیره‌یا پایته‌ختێ مسرێ برێڤه بچیت و تێدا چه‌ند پرسه‌كێن په‌یوه‌ندیدار ب وان وه‌لاتان ڤه بهێته شرۆڤه‌كرن.
وه‌زیرێ ده‌رڤه‌یێ فه‌ره‌نسا و ئیتالیا و یونان و قوبرسا یونانی و مسر پشكداری كۆمبوونێ دبن كۆ پشتی سه‌ربازێن توركیا ژلایێ ره‌جه‌ب ته‌یب ئه‌ردوغان سه‌رۆك كۆمارێ توركیا بۆ هه‌ڤكاریكرنا حوكمه‌تا ویفاقا نیشتمانیا لیبیا بهێنه شاندن ئه‌و جڤین دهێته‌كرن.
دوێ كۆمبوونا چاڤه‌رێكریا وه‌زیرێن ده‌رڤه‌یێن ئه‌وان وه‌لاتان شرۆڤه‌یا چه‌ند ته‌وه‌ره‌كان بهێته‌كرن ئه‌و ژی ره‌وشا رۆژهه‌لاتا ناڤین ب گشتی و ره‌وشا گشتی یا لیبیا و رێكێن چاره‌كرنا ئاریشه‌یێن وێ و ریب ری بوونا ئه‌وان پێنگاڤێن ئاریشه‌یا لیبیا ئالوز تر دكه‌ن.
رۆژا 2/1/2020 په‌رله‌مانێ توركیا ره‌زامه‌ند ل سه‌ر داخازا هنارتنا هێزا سه‌ربازی یا توركیا بۆ هه‌ڤكاریكرنا حوكمه‌تا ویفاقا لیبیا كو ره‌جه‌ی ته‌یب ئه‌ردوغان سه‌رۆك كۆمار ژ په‌رله‌مانێ كر بوو.
