پەرلەمانتارەکا ئێکەتیێ: نەوشیروان رەوشا سلێمانیێ تێکدا و چو دەرڤەی وەلاتی
ئه‌ڤرۆ نيوز:
راگەھاندنا باسکێ نوو و دوبەرەکیا سەرکرداتیا ئێکەتی، د ناڤەندێن راگەھاندنێ و سیاسەتمەداران دا خواندنێن جودا جودا بۆ ھەبوون، پشکەکا زۆر ژی ژ چاڤدێران دبێژن نەوشیروان موستەفا سەدەما ئەوێ رەوشا ئالۆزە ل سلێمانیێ.
ئاواز جەنگێ ئەنداما پەرلەمانێ کوردستانێ یا سەر فراکسیۆنا ئێکەتی نیشتیمانی کوردستان ڤە، د چارچۆڤێ چاڤپێکەفتنەکا رۆژنامەڤانی دا راگەھاند، نەوشێروان موستەفا رەوشا سلێمانیێ بە رب نەئارامیێ ڤە بریە، پاشی ل گەل کورێ خوە چیایی بەر ب دەرڤەیی وەلاتی برێکەفتن، ددەمەکی دا ئەڤ ئاریشا نوکە ھەموویان پەیوەندی ب رێککەفتنەا بزاڤا گۆڕان ل گەل ئێکەتیێ ھەیە.
ل گۆلڕ دیتنا ئەنداما پەرلەمانێ ھەرێمێ، دڤێت سەرکرداتیا ئێکەتی نیشتیمانی کوردستان و مەکتەبا سیاسی یا حزبا ناڤبری، بزاڤان بۆ مانا ئێکگرتنا ئێکەتیێ بکەت، و دڤێت نەھێتە پارچە پارچەکرن و ل سەر رێبازا مام جەلال سیاسەتا خوە بکەن.