پەرلەمانتارەکا کورد: ل ژێر گڤاشتنێن پارتی بەغدا نەچارە مافێ کوردستانی بجھبینیت
ئه‌ڤرۆ نيوز:
دکتۆرە میادە محمد نەجار ئەنداما پەرلەمانێ عیراقێ ل فڕاکسۆنا پارتی دیموکراتی کوردستان بۆ ئەڤرۆ داخویاکرن پارتی وەک ھێزا ئێکێ ل سەر ئاستێ ھەرێما کوردستانێ کو پتریا جەماوەرێ کوردستانێ باوەری پێداینە چو جار گرنگی ب پۆست پلەو پایە نەدایە ژ پێخەمەت بەرژەوەندیێن خوە، تنێ پارتی کار ل سەر بھێزکرنا گیانی نەتەوایەتی و پاراستنا ئێک رێزییا ناف مالا کوردی دکەت، ئەگەر پارتی بەرنامێ وەرگرتنا پۆست وپلەیان ھەبیت ل بەغدا تنێ ئارمانجا وی ئەو بوینە کومافیێن نەتەوەیی بێنە چەسپاندن، دیسا گۆت ژی نوکە پارتی پێدا گری دکەت، کو مافیێن کوردستانێ بێنە بجھئینان و حەشدا شەعبی ل نافچەیا ڤەقەتیایی بێنە ڤەکێشان و بجھئینانا مادێ سەدوچل ودابینکرنا مافێین بنەڕتی ێین کوردستانێ مینا پشکێن کوردان ل سوپایێ عیراقێ و ھنارتنا پشکێ ھەرێمێ دبوتجەیێ دا، بەلێ بمخابنی ڤە پتریا ھێزێین سیاسیێن دی ل ھەرێمێ ژئەگەرێ بزاڤێین بلەز ژبۆب دەستڤە ئینانا پلەو پۆستان پێخەمەت بەرژەوەندیێن خوە دژایەتیا پارتی دکەن، بەلێ بێ دوو دلی پارتی ھەردەم ل پێناف ئیک رێزی و بھێزبوونا پایەیێن کوردبوونێ ل بەغدایە و ھەموو پێنگاڤان ل ڤی بیاڤی دھاڤێژیت، گەلەک جار پارتی باجێن کوردایەتی دانە، نوێنەر و ئەندامێین مە ژ ئالیێ بەغداڤە ھاتینە سزادان و ب ھیجەتێین جوودا جوودا ھاتینە دورخستن، چونکی پارتی تنێ ھێزبوو کو نووێنەراتیا جەماوەرێ کوردستانێ کریە.
میادە محمد نەجار ئاماژەدا وێ چەندێ کو ماف دھێتە ستاندن ناھێتە دان لەورا دبیت ئەم ھەمی بزاڤەکێ بکەین ژبۆ ب دەستڤە ئینانا مافێن سەرەکی یێن ھەرێماکوردستانێ ل دووڤ دستورێ عیراقێ، چونکی چەند ماددێین دستووری ھەنە کو مافێین گەلێ کوردستانێ دەستنیشان دکەت ,ل دەمێ پیشتگوھاڤێتنا وان مادەییان دیار بیت کو بەغدا دەستور پێشێل دکەت، بۆ نموونە ل دووڤ ماددێ 67 دبیت ئێک ژ پۆستێن سیادیێن عیراقێ بۆ کوردان بیت بەغدا ژی نەشێت خوە ژوی خالا ھەنێ ڤەدزیت.
بەلێ ئەوێ ژھەمیان گرنگتر ئەوە چاوا کار ل سەر وان خالان بھێتە کرن دکتۆرە میادە ئاشکرا، ژی کرل دووڤ ئەزموونا سیاسیا من وچاڤدیریکرن بۆ رەوشا عیراقێ ھەردەم ھێزێن شوفینی دخازن کو کورد ل سەر مافێین خوە بێ پشک بکەن, بەلی پارتی پێداگری ل سەر مافێن گەلێ کورد دکەت وب ھەمی ھێزو گرانیا خوە,کو پارتی خودانێ پێگەھەکێ ب ھێزە ل سەر ئاستێ عیراقێ و ھەمی بزاڤان دکەت ژبۆ ھندێ کو بەغدا نەچار بکەت، ل سەر بجھئینانا مافێ گەلێ کوردان، چونکی ئەوێ تێبینی مە کریە ئەوە فێجارێ ل بن گڤاشتنێن پارتی بەغدامافیێن مە بجھبینیت، بەلێ دبیت لایەنێین دی یێن ھەرێمی ژ بۆ بەرژەوەندیێن خوە ریککەفتنیێن ل بنڤە ئەنجام نەدەن، چونکو ھەر پێنگاڤەک ب ڤی رەنگی وەدکەت کوزیان ب بەرژەوەندیێن مە بکەڤیت گوت ژی فێ جارێ ئەم وەک پارتی ل شەڕەکێ دەستووری و یاسایی داینە ھەر چەندە ژی ئەف پێنگاڤە ئاستەنگ وبەربەستێین مەزن ل پێشی ھەنە , داخاز ژ لایەنێن دی یێن کوردستانێ دکەین کو ھاریکار بن ل گەل مەو رێگری ل مە نەکەن.
