پەرلەمانتارەکێ بەریتانی: کوردستان پێنگاڤەکا بلەز بەرب سەربخوەیێ ڤە دچیت
ئەڤرۆ نیوز:
سەرۆگێ گرۆپێ ئۆل بارتێز برلمێنتری د پەرلەمانێ بەریتانی دا گاردی گێنت دبێژیت، ئەو دەم بۆری کو وەلاتێن زلھێزێن جیھانی درژد بن ل سەر پاراستنا ئێکگرتنا ئاخا عیراقێ.
پەرلەمانتارێ بەرێ یێ بەریتانی گاردی کێنت سەرۆکێ گرۆپێ ئۆل بارتێز برلمێنتری گۆتارەک ل دۆر بابەتێ سەربخوەیا کوردستانێ و رەوشا ئابۆری و سەدەما قەیرانێن دارایی ل دەڤەرێ ل ژێر ناڤونیشانێن (کوردستان پێنگاڤەکا بلەز بەرب سەبخوەیێ دچیت) نڤیسی یە و ل گۆڤارا (سیت من) یا بەریتانی ھاتیە بەلاڤکرن، تێدا بەحسێ سەربخوەیا کوردستانێ و رەوشا ئابۆری و قەیرانا دارایی یا دەڤەر گرتی بەحس دکەت، ئەڤ گرۆپە ب ئارمانجا ھاریکاری و پشتەڤانیا کوردان ھاتیە دامەزراندن ل ژێریا کوردستانێ.
ئەندامێ پەرلەمانێ بەریتانی دگۆتارا خوەدا بەحسێ باژێرێ دھوکێ و پێشکەفتنا وێ و زانکویا ئەمریکی دکەت، ھەروەسا زانکویا ئەمریکی ل سلێمانیێ و دبێژیت، (ئەڤ زانکۆیە دێ سەرکردێن پێشەرۆژا کوردستانا ئازاد بۆ ئاڤاکرنا جڤاکەکێ سڤیل و پێشکەفتی بەرھەڤکەت)، ھەروەسا دبێژیت،(ھێلەکا راست بۆ سەربخوەیی و ئازادیا کوردستانا نوو ھەیە، مللەتێ کوردستانێ ددلگرانیەکا بەردەوام دا دژین ئەڤە دەمەکێ درێژە چونکی ب تەعدایی خستبوونە ل سەر عیراقێ و ھاتینە چەوساندن و تووشی قڕکرنەکا بکووم و جینوسایدێ بووینە، تووشی ھێرشێن ھۆڤانە بووینە ھەتا دەڤەرا دژە فڕینا فرۆکان ژ ئالیێ نەتەوەیێن ئێکگرتی ڤە ھاتیە راگەھاندن، کو بویە سەدەما بنجھکرنا دیموکراتیا و پیتەدانا وانا ب بیاڤێ پەروەردەکرنێ و نھا ئەو خودانێن 28 زانکۆیانە.
سەبارەت ناکۆکیێن ناڤخوەیا کوردستانێ نڤیسەر دبێژیت، گۆتینە من ناکۆکیێن ناڤخوەیی دێ ھێنە چارەکرن، بەلێ پێدڤیە ل سەر وانا ھەموویان ل سەر خوەبن و ھێدی ھێدی وان ناکۆکیان بلەز چارەبکەن.
ب دیتنا پەرلەمانتارێ بەریتانیێ بەرێ گاردی کێنتی، پێدڤیە حوکمەتا ھەرێما کوردستانێ پێنگاڤێن نوو بەرب چاکسازیێ و ھەڤسەنگیا د ناڤبەرا داھاتی و مەزاختیان دا بکەت، دوور بکەڤیت ژ وەرگرتنا قەران، باجا ل سەر ئاڤێ و کارەبێ بدانیت، ھەر چەندە وانا رێژەکا ژ مووچێن فەرمانبەران کێمکریە، بەلێ جوداھیەکا مەزن د ناڤبەرا داھاتێ خەزینێ و مەزاختیان دا ھەیە، زێدەباری وێ چەندێ گۆت: زانکۆیێن ھەرێمێ سالانە 70 ھەزار قوتابیان خواندنا وان بدووماھی دھێت، ئەڤە ژی پێدڤیە ل سەر حوکمەتێ دەلیڤەیێن کاری بۆ وان قوتابیان پەیدا بکەت، نەخاسمە د کەرتێ چاندن و گەشتوگۆزاری دا، بڤی رەنگی دێ پشتبەستنا ل سەر کەرتێ پەرتۆلێ وداھاتێ وێ کێم بیت، کو ھەرێمێ داھاتەکێ دی ھەبیت، دڤی بیاڤی دا ھەرێما کوردستانێ پێدڤی ب شارەزایێن بەریتانی و تایبەتمەندێن وێ ھەیە.
سەبارەت شەرێ دژی داعشێ نڤیسەرێ بەریتانی دبێژیت، ئەمریکا ھاریکاریێن مەزن بۆ ھەرێما کوردستانێ د شەرێ دژی داعشێ دا پێشکێش کرینە، کو گەھشتینە 500 ملیار دۆلاران ژ چەک و تەقەمەنیا لەشکری، ھەروەسا بەریتانیا، ددەمێ سالا 2014 ئەز ل ھەرێما کوردستانێ بەریتانیا ھاریکاریەکا نوو و باش بۆ کوردستانێ ئینان، ھەروەسا بکارێ مەشق و راھێنانا پێشمەرگەی ژی رابوویە.
لێ بەغدا کو دۆژمنەکێ ھەڤپشک ل گەل ھەرێما کوردستانێ ھەیە، چوو ھاریکاری و پشتەڤانیا ھەرێما کوردستانێ ناکەت، بارەگایێ پەرلەمانێ عیراقێ ھاتە کونترۆلکرن و عەبادێ چوو پێچێنەبوو بکەت، ھێلا د ناڤبەرا بەغدا و ھەولێرێ دا ھاتیە بڕین، سەرەرای پێدڤیە ھەردو ئالیان ھەماھەنگی و ھاریکاری د شەرێ دژی داعشێ دا ھەبیت، بتایبەتی ئازادکرنا باژێرێ مووسلی، زێدەباری دیتنا میکانیزمەکا گونجایی بۆ جودابوونا ب رێێن ئاشتیانە.
سەابەرت پێشەرۆژا وەلاتێ عیراقێ گاردی کێنت گۆت: دڤی بیاڤی دا ئەو رۆژ بۆری کو ئێدی وەلاتێن زلھێزێن جیھانی داکوکیێ ل سەر ئێکگرتنا ئاخا عیراقێ بکەن، من بخوە چاڤپێکەفتن ل گەل دپلوماتکار و بازرگان و سەرمایەدارێن دەڤەرێ کرینە ھەموویان دوپاتکرن عیراق ئێدی نەما، بەرپرسەکێ تورکی یێ پلە بلند ل وەلاتێ تورکیا گۆتە من تورکیا یا رازیە ب سەربخوەیا کوردستانێ و ھەرێمێ دووپاتکریە ئەو دشێت خوە برێڤە ببەت، ھەروەسا خوەپێشاندانێن پشتەڤانیا سەربخوەیێ دەستپێکرینە، پێدڤیە ل سەر وەلاتێن ئەورۆپا و رۆژئاڤا ھاریکاری و پشتەڤانیا جودابوونا ئاشتیانە یا ھەرێما کوردستانێ بکەن.
ھەروەسا نیڤسەرێ بەریتانی بەحسێ ھژمارەکا تێبینێت ھندەک پەرلەمانتارێن بەریتانی دکەت، ئەوێن سەرەدانا ھەرێما کوردستانێ کرین، دیتنا وان بۆ فرۆخانا ئەربیل یا نێڤدەولی و پێشکەفتنا وێ و ھەموو پێشکەفتن و وەرارا ل ھەرێما کوردستانێ پەیدابووی دگۆتارا خوە دا بەحس دکەت.