پەرلەمانتارەک د کەنالەکێ تەلەڤزیونی ڤە دو گولەیان دھاڤێتە کەسەکی
ئەڤرۆ نیوز، ئەیاد بەرواری
ژێدەرەکی ژ راگەھاندنا جڤاتا بلند یا ئیسلامی ل عیراقێ ئاشکراکر کو پەرلەمانتارەکێ دەولەتا قانوونێ دناڤ کەنالەکێ تەلەڤزیۆنی دا گوللە بەرداینە پەیڤدارێ جڤاتا بلند یا ئیسلامی.
کەنالێ فورات یێ ئەسمانی یێ سەر ب جڤاتا بلند یا ئیسلامی ڤە ب سەرۆکاتیا عەمار حەکیم دیارکر کو (کازم سەیادی) پەرلەمانتارێ دەولەتا قانوونێ ب سەرۆکاتیا نوری مالکی، دناڤ بارەگایێ کەنالێ دیجلە یێ ئەسمانی دا دو گوللە ئاراستەی (بەلیغ ئەبو کەلەل) پەیڤدارێ جڤاتا بلند یا ئیسلامی کرن.
کەنالێ فورات خویاکر ژی، ژ ئەنجامێ وێ روودانێ چو زیان ب بەلیغ ئەبوو کەلەل نەکەفتینە، بەلێ وی ل بەرە ل دادگەھێ سکالایا قانوونی ل سەر وی پەرلەمانتارێ دەولەتا قانوونێ بلندکەت.
