پەرلەمانتارەک: پارتی یا رژدە پڕۆژە قانوونا چاکسازیێ بھێتە پەسەندکرن
ئەڤرۆ نيوز:
ئەندامەکێ پەرلەمانێ کوردستانێ ژ فراکسیۆنیا پارتی دیموکراتی کوردستان دیار کر، ئەو جارێ نەشێن راستەوخوە ناڤێ وان کەسان بینن یێن د ناڤ پەرلەمانی دا رێگریێ ل پەسەندکرنا پرۆژە قانوونا چاکسازیێ د مووچە و خانەنشین و دەرمالان دا دکەن و دبێژیت: ئەم وەکو فراکسیۆنا پارتی درژدین ئەو پرۆژە قانوونە بھێتە پەسەندکرن.
نازم ھەرکی، ئەندامێ پەرلەمانێ کوردستانێ ئاشکرا ژی کر، ئەوەشی لیژنێن قانوونی و دارایی ل پەرلەمانێ کوردستانێ بۆ وەرگرتنا بۆچوونا دووماھیێ یا حوکمەتا ھەرێما کوردستانێ ل دۆر پرۆژەی ل گەل نوونەرێن حوکمەتێ دێ کۆم بن، بۆ ھندێ پرۆژە قانوون ب بۆچوونێن جودا نەھێتە ناڤ پەرلەمانی و د دەمێ ھاتنا وێ دا بھێتە پەسەندکرن”.
وی پەرلەمانتارێ پارتی ل سەر وان گۆتگۆتکێن رێگریکرنا ئێکەتی و لایەنێن دی یێن ناڤ پەرلەمانێ کوردستانێ ل ھەمبەر پەسەندکرنا پرۆژە قانوونا چاکسازیێ د مووچە و خانەنشین و دەرمالان دا بۆ باسنیۆز گۆت: “ئەم جارێ نەشێین راستەوخوە ناڤا بینین، لێ ئەم وەکو فراکسیۆنا پارتی درژدین ئەو پرۆژە قانوونە بھێتە پەسەندکرن”.
