پەرلەمانێ عیراقێ مووچێ نوو یێ پەرلەمانتاران پشتی چاکسازیێ ئاشکرا دکەت
ئەڤرۆ نیوز، ئەیاد بەرواری:
سەرۆکاتیا پەرلەمانێ عیراقێ مووچێن ئەندامێن پەرلەمانی پشتی بجھئینانا چاکسازیێن حکومی ئاشکراکرن.
سەرۆکاتیا پەرلەمانێ عیراقێ د بەیاننامەکێ دا کو دانەیەک ژێ گەھشتیە ئەڤرۆ نیوز دیارکر کو” بەری بجھئینانا چاکسازیان، مووچێ پەرلەمانتارێ عیراقی 12 ملیۆن و 900 ھزار دینار بوو، پشتی بجھئینانا چاکسازیان و کێمکرنا مووچێن بلند و بجھئینانا بریارا (333) مووچێ دووماھیێ یێ پەلەمانتارێ عیراقی یێ بوویە 10 ملیۆن دینار”.
د بەیاننامێ دا ھاتیە ژی” مووچێ بنەرەتی یێ ئەندامێ پەرلەمانی دێ چار ملیۆن دینار بن و دەرمالێن پۆستی دێ دو ملیۆن دینار بن و دەرمالێن باوەرنامێ کو دێ 100% بیت بۆ ھەلگیرێن باوەرناما دکتۆرایێ و 75% بۆ ھەلگرێن ماستەرێ و 45% بۆ ھەلگرێن بەکالوریۆسێ و 35% بۆ ھەلگیرێن دبلۆمێ و 25% بۆ دەرچوویێن ئامادەیی ژ مووچێ بنەرەتی”.
