پەرلەمانێ کوردستانێ ل دۆر چوونا گەنجان بۆ دەرڤە دێ کۆم بیت
ئه‌ڤرۆ نیۆز:
بڕیارە پەرلەمانێ کوردستانێ کۆم ببیت و خواندن و دانوستاندنێ ل دۆر ڕاپۆرتەکا لیژنا پەیوەندیان و رەڤەندا کوردستانی سەبارەت دیاردا چوونا گەنجان بۆ دەرڤەی وەلاتی بکەت.
د. رێواز فایەق، سەرۆکا پەرلەمانێ کوردستانێ داخوازێ ژ ھەموو پەرلەمانتاران دکەت، ل روونشتنا ھژمار ده‌هـ یا ئاسایی یا خولا پائیزێ یا پەرلەمانی، سوبه رۆژا چارشەمبی ٢٥/١١/٢٠٢٠ ل دەمژمێر ١١ بەری نیڤرۆ بەرھەڤ بن.
دەستەیا سەرۆکاتیا پەرلەمانی بەرنامێ کارێ روونشتنا ھژمار ١٠ بەلاڤ کر و ل دووڤ بەرنامێ کاری، د کۆمبوونێ دا خواندن و دانوستاندن ل دۆر ڕاپۆرتەکا لیژنا پەیوەندیان و رەڤەندا کوردستانی سەبارەت دیاردا چوونا گەنجان بۆ دەرڤەی وەلاتی، ب بەرھەڤبوونا وەزیرێ رەوشەنبیری و لاوان یێ حکومەتا ھەرێما کوردستانێ دێ ھێتەکرن.
ل دووڤ بەرنامێ کارێ کۆمبوونێ یێ دەستەیا سەرۆکاتیا پەرلەمانی، ڕاپۆرتا لیژنا دووڤچوونێ کو ب بڕیارا ھژمار ھەشت یا سالا ٢٠٢٠ ھاتیە پێکئینان، دێ ھێتە بەرچاڤکرن، دیسا خواندنا دویێ بۆ پرۆژەقانوونا (فرۆتن و ب کرێدانا مایێن دەولەتێ ل ھەرێما کوردستانێ) ھێتەکرن.
