پەروەردێ رێنمایی بۆ خواندنا ژ دەرڤە راگەھاندن
ئەڤرۆ:
وەزارەتا پەروەردێ ل حوکمەتا ھەرێما کوردستانێ رێنمایێن مۆلەتا خواندنێ ل دەرڤە ل سەر بنەمایێ نەفەقا تایبەت راگەھاندن.
د رێنمایان دا دیارکریە کو ئەوێ دھێتە وەرگرتن دێ مووچێ بنەرەت و دەرمالێن جێگیر یێن باوەرنامێ و ھەڤژینیێ و زارۆیان وەرگریت، ھەروەسا نابیت ژیێ پێشکێشکاری ژ ٤٥ سالان زێدەتر بیت بۆ ماستەرێ، بۆ دکتۆرایێ ژی ژ ٥٠ سالان پتر نەبیت، ھەروەسا بۆ ماستەرێ تێکرایێ نمرا پێشکێشکاری ژ ٦٥% و بۆ دکتۆرایێ ژی ژ ٧٠% کێمتر نەبیت.
پێشکێش کرن دێ ھەتا ٢٥-٦-٢٠١٥ ل رێڤەبەریێن پەروەردان و رێڤەبەریێن گشتی ھێنە وەرگرتن، کو بسپۆری و ھژمارا دیارکری بۆ ھەر پارێزگەھەکێ ل دووڤ ھەڤرکیێ بیت، ھەروەسا بۆ ھەڤرکیێ ژی ھەر نمرەکا ل سەر ٦٥% یا بەکالوریوسێ بۆ ماستەرێ دێ خالەک ھێتە دانان، بۆ دکتۆرایێ ژی ھەر نمرەکا ل سەر ٧٠% دێ خالەک ھێتە دانان، بۆ ھەر سالەکا تەمەنی ل ژێر ٤٥ سالیێ بۆ ماستەرێ دێ خالەک ھێتە دانان و بۆ دکتۆرایێ ژی ھەر سالەکا تەمەنی بن ٥٠ سالیێ دا دێ خالەک ھێتە دانان.
ھژمارا کورسیێن تەرخان کری بۆ مامۆستایان ٨٣ و بۆ فەرمانبەران ٢٠ کورسی بن ل دووڤ ھەڤرکیێ.
