پەیڤدارێ حوكمەتا هەرێمێ پەیامەك ل دۆر نەهنارتنا پارەیێ مووچەی بەلاڤكر
پەیڤدارێ حوكمەتا هەرێما كوردستانێ پەیامەك ل دۆر بهانەیێن حوكمەتا فیدرالی ل دۆر نەهنارتنا مووچەیێ فەرمانبەرێن هەرێما كوردستانێ بەلاڤكر.
پێشەوا هەورامی، پەیڤدارێ حوكمەتا هەرێما كوردستانێ ل سەر ئەكاونتێ خوە یێ فەیسبووكی دیار كر، هەر ژ دەمێ پەیدابوونا ئاریشەیان ل سەر مووچەیێ فەرمانبەرێن هەرێما كوردستانێ، هەر ڕۆژەكێ بابەتەكێ نوو دئێخنە بەر حوكمەتا هەرێما كوردستانێ و دكەنە مەرجێ هنارتنا مووچە و مافێن خەلكی، د دەمەكی دا ئەوان ب ڕۆهنی و ئاشكرایی هەموو تشت پێشكێشی حوكمەتا فیدرالی كرینە.
پەیڤدارێ حكومەتێ پرسیار دكەت، ئەرێ ئەو شەفافیەت و ڕۆهنكرنێن ل نك وان هەین، ل نك حوكمەتا ئیراقێ ژی هەنە و دبێژیت: د چار نووچەیێن بەلاڤكریێن هەژمارەكا ژێدەرێن میدیایێن باوەرپێكری دا، وەكو: ئەلجەزیرە هاتییە: 20%ێ پارەیێ مووچەیێ ئیراقێ بۆ مووچەخۆرێن وەهمی دچیت، كو نێزیكی 10 ملیار دۆلارێن سالانەنە و ژ مووچەیێ هەموو مووچەخۆرێن هەرێما كوردستانێ زێدەترە، هەروەسا كەنالێ ئەلحورە دیار دكەت: 300 ملیار دۆلارێن ئیراقێ بۆ پڕۆژە و مووچەیێن وەهمی چووینە.
ل دووڤ بی بی سی: ل سالا 2014ێ حوكمەتا ئیراقێ بخۆ دانپێدان كر كو 50 هزار سەر‌بازێن وەهمی مووچەی ژ گەنجینەیا ئیراقێ وەردگرن، وەهمی نەكو بندیوار.
پێشەوا هەورامی ڕاگەهاند، ئەرێ كێ لیستەیا وان گرۆپێن میلیشیان هەیە یێن هەرێما كوردستانێ بۆردۆمان دكەن، ئەگەر بابەت گەندەلیە، دڤیابا مووچەیێ خەلكێ هەموو پارێزگەهێن ئیراقێ هاتبا ڕاگرتن، نەكو وەكو هندەك سنێلەیێن سیاسیێن ناڤخوە دبێژن: ژ بەر خاترا ناڤەكێ شەریفی، گەلەك ل كوردستانێ هاتە برسیكرن.
