پەیڤدارێ حوکمەتێ: نابیت مووچە وەکو کارتەکا فشارێ بهێتە بکارئینان
ئەڤرۆ نیوز:
د. جوتیار عادل پەیڤدارێ حوکمەتا هەرێما کوردستانێ راگەهاند کو تێگەهشتنەکا باش د ناڤبەرا حوکمەتا هەرێما کوردستانێ ل گەل فراکسیۆنێن کوردستانی ل پەرلەمانێ عیراقێ ل دۆر بابەتێ مووچەی و پرسێن دارایی هەیە و گۆت: (نابیت بابەتێ مووچەی وەکو کارتەکا فشارێ ل دژی خەلکێ کوردستانێ بهێتە بکارئینان، هەرێما کوردستانێ پایبەندە ب رێککەفتنا سالا ٢٠١٩ یا ل گەل بەغدا).
پەیڤدارێ حوکمەتا هەرێما کوردستانێ ئەو یەک ژی دیار کر کو بۆ چارەسەریەکا بنگەهین ل دۆر بابەتێ مووچەی و پرسێن دی یێن گرێدای نەفتێ هەرێما کوردستانێ دڤێت یاسایا سالا ٢٠٠٧ یا کو رەشنڤیسا وێ ژ ئالیێ هەرێما کوردستانێ و بەغدا هاتبوو نڤیسین بهێتە کاراکرن و کار پێ بهێتە کرن.
