چارشه‌مبى دێ باران ل پتريا هه‌رێما كوردستانێ باريت
ئه‌ڤرۆنيۆز:
رێڤه‌به‌ريا گه‌شناسيێ وبيڤه‌له‌رزان ل هه‌رێما كوردستانێ راگه‌هاند، رۆژا چارشه‌مبيا بهێت دێ شه‌پۆله‌كا باران بارينێ پتريا ده‌ڤه‌رێن هه‌رێما كوردستانێ ڤه‌گريت.
دوێ راگه‌هاندنێ دا هاتيه كو ژئه‌گه‌رێ هاتنا پاله‌په‌ستۆيا ده‌ريا سور دێ رێژا بارانا پێشبينى كرى بۆ سه‌نته‌رێ پارێزگه‌ها دهۆكێ وده‌ڤه‌رێن چيايى ل گه‌ل پارێزگه‌ها هه‌ولێر و ده‌ڤه‌رێن وێ يێن چيايى زێده‌تر بيت.
دياركريه ژى، ل رۆژا پێنج شه‌مبى 9/11/2017 دێ كاريگه‌ريا نزمه‌پاله‌په‌ستۆيا ده‌ريا سور لاواز بيت.
رێڤه‌به‌ريا ناڤبرى پێشبينيا هاتنا بايه‌كێ نيمچه سار ژى دكه‌ت ل گه‌ل نزمبوونا 4 هه‌تا 5 پلێن گه‌رمێ هه‌مبه‌ركرن ل گه‌ل رۆژێن بۆرى و ل رۆژا ئه‌ينيێ دێ ئه‌سمانێ ساهى بيت ل گه‌ل هنده‌ك ئه‌وران.