زیانێن ئه‌ڤ شه‌ڤه یێن له‌هیى و باران بارینێ
ئه‌ڤرۆ نیوز:
باران بارین و له‌هى ل سه‌نته‌رێ باژێرێ دهۆكێ و ده‌وروبه‌ران به‌رده‌وامه و به‌ره‌ڤانیا باژێرى ل دهوكێ زیانێن وێ بو ئه‌ڤرۆ نیوز به‌حس دكه‌ت.
بێوار عه‌بدولعه‌زیز به‌رپرسێ راگه‌هاندنا رێڤه‌به‌ریا به‌ره‌ڤانیا باژێرى ل دهوكێ بۆ ئه‌ڤرۆ نیوز گۆت” باراینا بارانێ و له‌هیان ل سه‌نته‌رێ باژێرێ دهۆكێ و ده‌وروبه‌ران به‌رده‌وامى هه‌یه وزێده‌تر ژ 50 خانیان زیانێن زور پێكه‌فتینه ژ وانان 27 خانى ب ئێكجارى كه‌فتینه به‌ر له‌هیێ و چو تشت نه‌ماینه تێدا ، و چار كه‌س ژى دبێ سه‌روشوينن و 30 ترومبێل ژى ژێر ئاڤ بووینه و زیانێن زور پێكه‌فتینه”.
زێده‌تر گۆت” 27 كه‌س ژلایێ تیمێن مه و تیمێن ساخله‌میێ هاتینه رزگاركرن و هه‌وا رزگاركرنا وه‌لاتیان به‌رده‌وامه ، و هه‌موو لایه‌نێن په‌یوه‌ندیدار لسه‌ر خه‌تن و ب هانا وه‌لاتیان چوینه”.