چار لايه‌نێن عيراقى بزاڤا رازيكرنا بارزانى بۆ دروستكرنا هه‌ڤپه‌يمانيه‌كێ دكه‌ن
ئه‌ڤرۆنيوز:
رۆژناما (الحياه) يا له‌نده‌نى به‌لاڤكر كو دروستكرنا هه‌ڤپه‌يمانيه‌كا چار قۆلى يا درێ دا كو رێژا كورسيێن وێ هه‌ڤپه‌يمانيێ دێ بنه 150 كورسى، بۆ ڤێ چه‌ندێ ژى هه‌ر ئێك ژ سه‌در وعه‌لاوى وعه‌بادى وخه‌ميس خه‌نجه‌ر بزاڤا رازيكرنا بارزانى دده‌ن بۆ تمامكرنا هه‌ڤپه‌يمانيێ.
رۆژناما ناڤبرى ژزارێ ژيده‌ره‌كێ سياسى يا ئاگه‌هدار ل به‌غدا ڤه‌گواست كو چاڤه‌رێ دهێته كرن ديداره‌ك دناڤبه‌را سه‌رۆك بارزانى وحه‌يده‌ر عه‌بادى سه‌رۆكێ ليستا نه‌سر بهێته ئه‌نجامدان ودبيت هه‌ر ئێك ژ موقته‌دا سه‌در سه‌رۆكێ ليستا سائيرۆن وخه‌ميس خه‌نجه‌ر سه‌رۆكێ هه‌ڤپه‌يمانيا (القرار) يا سونى وئه‌ياد عه‌لاوى سه‌رۆكێ هه‌ڤپه‌يمانيا (ئه‌لوه‌ته‌نيه) پشكداريێ تێدا بكه‌ن.
ل دووڤ وى ژێده‌رى، هه‌كه بارزانى رازيبوونا خوه ل سه‌ر هه‌ڤپه‌يمانيێ بده‌ت، دبيت ئه‌و كۆمبوونه ل هه‌ولێرێ يا ل نه‌جه‌ف بهێته ئه‌نجامدان.
دياركر ژى، هێشتا هه‌لويستێ سه‌رۆك بارزانى ل هه‌مبه‌ر رێككه‌فتنێ ل گه‌ل عه‌بادى يا رۆهن نينه، هه‌روه‌سا به‌حس هه‌يه كو كوردان ده‌رگه‌هێ په‌يوه‌نديێ ل گه‌ل مالكى ژى يێ هه‌ى بۆ چوونێ دناڤ وێ هه‌ڤپه‌يمانيێ ئه‌وا ليستا ده‌وله‌تا قانوونێ بزاڤا دروستكرنا وێ دكه‌ت، ئه‌ڤه ژى دهيته شرۆڤه‌كرن كو كورد ب ڤى كارى عه‌بادى سزا بده‌ن ژبه‌ر هه‌لويستێن وى يێن ڤێ دووماهيێ ل به‌رانبه‌ر كوردستانێ.
