چار وەلاتیێن کورد ل عەفرین ھاتینە گرتن و چارەنڤیسێ وان نەیێ دیارە
ئەڤرۆ نیوز، فاتما مزووری:
ل باژارێ عەفرینێ یێ رۆژئاڤایێ کوردستانێ لەشکرێ تورکیا و چەکدارێن دژی بەرەیێ سووریێ یێن گرێدایی ئەنقەرە چار وەلاتی گرتینە و چارەنڤیسێ وان نەیێ دیارە.
ژێدەرێن ژ عەفرینێ راگەھاند کو لەشکرێ تورکیا و چەکدارێن دژی بەرەیێ سوریێ ل باژێرێ عەفرینێ چار وەلاتی گرتینە و چارەنڤیسێ وان یێ دیار نینە.
ب گۆرەی پێزانینان ژ باژارێ عەفرینێ ھاتینە ب دەست ئێخستن، چەکدارێن دژی بەرەیێ سوریێ وەلاتیێن ب ناڤێ جومعە کەمال رەسۆل، موسا نەبی، دەشتی عیسۆ و ئەبدولرەحمان بەرمەجە گرتینە و بەر ب جھەکێ نەدیار ڤە برینە.
ھەروەسا ب گۆرەی زانیاریێن خوەجھی، د دەمێن دەرباس بوویی دا ب دەھان وەلاتی ژ لایێ چەکدارێن ئۆپۆزیسیۆنێ ڤە ھاتینە گرتن و ھەتا نھا ژی چارەنڤیسێ وان نەیێ دیارە.