چار په‌نابه‌رێن كورد ل ڤى وه‌لاتى هاتن كوشتن
ئه‌ڤرۆنيوز:
هژماره‌كا په‌نابه‌رين عه‌ره‌ب يێن عيراقى وسوورى هێرشێ دكه‌نه سه‌ر په‌نابه‌رێن كورد وچاران ژێ دكوژن وهژماره‌كا دى ژى بريندار دكه‌ن.
ل دووڤ چه‌ند پارچه ڤيديۆيه‌كا كو ل تۆرێن جڤاكى هاتينه به‌لاڤكرن، ل كه‌مپه‌كا په‌نابه‌ران ل گزيرتا ميتيلين ل وه‌لاتێ يونانێ، هژماره‌كا په‌نابه‌رێن عه‌ره‌ب يێن عيراقى وسوورى هێرش كريه سه‌ر په‌نابه‌رێن كورد ل وێ كه‌مپێ وب ئاسن وبۆريان لێدان، دئه‌ه‌نجامدا چار په‌نابه‌رێن كورد كو خه‌لكێ رۆژئاڤايێ كوردستانێ نه گيانێ خوه ژده‌ست دا.
مۆرۆ ته‌ربووش، ئێك ژ وان په‌نابه‌رانه كو ل وێ كه‌مپێ بوو، ب رێيا ته‌له‌فۆنێ بۆ كوردستان 24 گۆت” ب شێوه‌كێ درندانه هێرش كره سه‌ر گه‌نجێن كورد ل كه‌مپێ وهه‌تا ل ژن وزارۆيێن كورد ژى دده‌ن، هژماره‌كا گه‌له‌ك كێمژ خێزانێن كورد ل كه‌مپێ يێن ماين وهه‌موويێن دى هاتنه نه‌چاركرن ژ كه‌مپێ ده‌ربكه‌ڤن، ئه‌و په‌نابه‌رێن دروودانێ دا گيانێ خوه ژ ده‌ست داى خه‌لكێ باژێرێن كۆبانى وعه‌فرينێ نه”.
