چار کەس د خوەنیشاندانێن عیراقێ دا هاتنە کوشتن
ئەڤرۆ نیوز:
ئەڤرۆ دوشەمبی د خوەنیشادانێن عیراقێ دا ئالۆزی دروست بوون و ب وێ چەندێ چار کەس هاتنە کوشتن، کو دو ژ وان ئەندامێن هێزێن ئێمناهیێ بوون و نێزیکی ١٠٠ کەسان ژی برینداربوون.
ئەڤرۆ د دەمێ بەلاڤکرنا خونیشاندانان دا ل سەر رێیێن سەرەکی، هێزێن ئێمناهیێ گازا رۆندک ڕێژ بکارئینانە و ب وێ چەندێ ژی دو ئەفسەرێن هێزێن ئێمناهیێ و دو خوەنیشاندەر هاتنە کوشتن و نێزیکی ١٠٠ کەسان ژی برینداربوون، کو ١٤ ئەفسەر تێدانە، ئێک ژ وان ژی ئامر لیوایێ فرقا ئێکا پۆلیسێن فیدرالیە.
لدووڤ ئامارێن کۆمسیۆنا مافێن مرۆڤان یا عیراقێ، هەتا نوکە ٣١ چالاکڤان و پتر ژ ٥٠٠ خوەنیشاندەران هاتینە کوشتن، هەروەسا پتری ١٣ هزار کەسێن دی ژی برینداربووینه.
