چار ھزار کرێکارێن بیانی ئەڤ سالە ھاتینە ھەرێمێ
ئه‌ڤرۆ:
رێڤەبەرێ گشتیێ کار و دەستەبەرا کۆمەلایەتی ل حوکمەتا ھەرێما کوردستانێ دکتۆر عارف حیتو دیارکر کو د ئەڤ سالە دا چار ھزار کرێکارێن بیانی ھاتینە ھەرێما کوردستانێ و پتریا وان ژی کرێکارێن نافمالیێ بووینە، گۆت ژی ھەتا سەرێ سالا نوو دێ رێنمایێن پتر بۆ ئینانا کرێکارێن بیانی ژ لایێ حوکمەتێ ڤە ھێنە دەرکرن و دەمێ مانا کرێکاران دێ ھێتە دیارکرن.
دکتۆر عارف حیتو گۆت ژی لژنەکا بلند ھاتیە پێکئینان و نوونەرێن وەزارەتا ناڤخۆ و دەستەیا وەبەرھینانێ و وەزارەتا کار و ژۆرا بازرگانی و پیشەسازی تێدانە، داکو ئینانا کرێکاران پتر بھێتە رێکخستن و ئەو ئاریشێن نوکە ھەین نەمینن، ئەو ژی دیارکر کو پشتی راگرتنا پڕۆژان کرێکارێن بیانی کێمتر دھێنە ھەرێمێ و کرێکارێن ناڤخۆیی ژی بێکار بووینە.
