چالاكڤانێن به‌سرا: سوباهى دێ ده‌ست ب خوه‌نشادانان كه‌ين
ئه‌ڤرۆنيوز:
هژماره‌كا چالاكڤانێن به‌سرا ب رێيا تۆرين جڤاكى به‌لاڤكر، سوباهى پێنجشه‌مبى 1/11/2018 جاره‌كادى دێ خوه‌نيشادانان ل سه‌ر جادێن به‌سرا ده‌ستپێكه‌نه‌ڤه.
ب رێيا تۆرا جڤاكى يا فه‌يسبووكى، بكارئێنه‌رين وێ تۆرێ ل به‌سرا راگه‌هاند، خوه‌نيشادان ڤێجارى دێ زێده‌تر بن ل به‌رامبه‌ر ده‌ستهه‌لاتا عيراقێ كو هه‌تا نوكه ل دووڤ داخوازيێن وان نه‌هاتيه.
به‌رى نوكه حوكمه‌تا سه‌رۆك وه‌زيرين به‌رێ حه‌يده‌ر عه‌بادى هژماره‌كا سۆزا ب خه‌لكێ پاريزگه‌ها به‌سرا دابوون، گرنگترين سۆز ژى ئه‌وبوو دابينكرنا 10 هزار ده‌ليڤێن كارى ودامه‌زراندنێ بۆ خه‌لكێ به‌سرا وگه‌هاندنا ئاڤا پاقژ بۆ خه‌لكێ به‌سرا، به‌لێ هه‌تا نوكه ئه‌و سۆزه نه‌هاتينه بجهئينان”.
چالاكڤانێن به‌سرا گه‌فا وێ چه‌ندێ ژى كر كو ل خوه‌نيشادانێن ڤێجارێ دێ رێ وشێوازه‌كێ دى بكارئينن كو پێشتر بكارنه‌ئينابوو.
