چاوانیا بکارئینانا مۆبایلێ وەک کۆنترۆل بۆ تێلەڤزیۆنێ
پەروین سەلاح:
تێلەڤزیۆنێن زیرەک گەلەک پێشکەفتن كڕینە د باشترکرنا ئەزموونا بکارئینانێ و زێدەکرنا تایبەتمەندیێن نو، وەک پشتەڤانیکرنا AirPlay و کۆنترۆلا دەنگی و تایبەتمەندیێن پێشکەفتی یێن ناڤەندێن زیرەک،لێ، هێشتا کۆنترۆلێ ژ دوورڤە پارچەکا سەرەکی یە ژ ئەزموونا سحكرنا تله‌ڤزیۆنێ، ب تایبەت ژی تەکنۆلۆژیا هێشتا هەتا ئەڤرۆ ژی یا بەرهەڤە، هەرچەندە پتریا کۆنترۆلێن نوو پشتێ ب تەکنۆلۆژیا بلوتوسێ دگرن ژ بۆ هنارتنا فەرمانان، ژ تایبەتمەندیێن تەکنۆلۆژیێن پەیوەندیێ یێن نوو یێن د تله‌ڤزیۆنێن زیرەک دا هاتینە چێکرن، شیانێن مۆبایلا زیرەک و وەکی کۆنترۆلەکا ژ دوور، ئەڤە چارەسەریەکا پراکتیکی یە ب تایبەتی دەمێ کۆنترۆلێ ئەسلی بەرزە دبیت یان دەست نادەت، وەکی دی، بکارئینانا کیبۆردێ مۆبایلی بۆ نڤیسینا گەڕیانێن ل دۆر فلم و پرۆگرامان گەلەک ب ساناهیترە د گەل کیبۆردەکا ل سەر شاشا تەلەڤزیۆنێ، ل گۆرەی راپۆرتەکا مالپەرێ «engadget» بەلاڤکری
ژ گرنگترین مفایێن ڤێ رێ ئەوە کو دشێی تلەڤزیۆنێ ب مۆبایلی ڤەکەی و بگری، ئەڤە ژی تشتەکێ وەسایە کو هندەک رێیێن دی یێن کۆنترۆلکرنێ نادەن.
ئەپلیکەیشنا فەرمی یا تلەڤزیۆنا زیرەک بکاربینە
گەلەک پلاتفۆرمێن تەلەڤزیۆنا زیرەک ئەپلیکەیشنێن تایبەت بۆ مۆبایلان دابین دکەن، ئەڤ ئەپلیکەیشنە ب گشتی کۆنترۆلکرنا تەلەڤزیۆنێ ژ دوورڤە دابین دکەن.
تلەڤزیۆنێن کو ب پلاتفۆرمێن Google TV یان Android TV کار دکەن، دشێن بکارئینانا ئەپلیکەیشنا Google TV ل سەر مۆبایلێن ئەندرۆید و ئایفۆن بهێنە کۆنترۆلکرن
بۆ دەستپێکرنێ، ئەپلیکەیشنێ ل سەر مۆبایلا خۆ ڤەکە، و دوكما Connect TV یا ل بنێ هەی، پاشی تەلەڤزیۆنێ ژ لیستی هەلبژێرە. پێدڤیە مۆبایل و تەلەڤزیۆن ب هەمان تۆرا Wi-Fi ڤە گرێدای بن، د گەل چالاککرنا بلوتوسێ ل سەر هەردو ئامێران.
و ب گشتی پرۆسەیا رێکخستنێ ل گۆرەی پلاتفۆرمێ بکارئینای و دەمێ خانەکێ بۆ تێکرنا تێکستی ل سەر شاشا تلەڤزیۆنێ ڤەدکەی، کیبۆردێ QWERTY یێ مۆبایلی د ناڤ ئەپلیکەیشنا کۆنترۆلێ دا دیار دبیت، ئەڤە ژی نڤیسینا گەڕیانان و زانیاریێن چوونە ژوور گەلەک ب ساناهیتر دکەت ژ بکارئینانا کیبۆردێ ل سەر شاشێ، کارێ ڤان ئەپلیکەیشنان ب تنێ کۆنترۆلکرنا تلەڤزیۆنێ نینە، چونکی هندەک ژ وان وەکی جهەکێ زێدە ژی کار دکەن بۆ دیتن و رێکخستنا وێ ناڤەرۆکێ یا تە دڤێت ل سەر شاشا مەزن تەماشا بکەی، دیسا دشێی لیستێن تەماشەکرنێ چێکەی و ئەپلیکەیشنان راستەوخۆ ژ مۆبایلی بکاربینی
لێ دیسان، تە پێدڤی نینە مفایێن دیتنا ناڤەرۆکێ د ناڤ ئەپلیکەیشنێ دا بکاربینی ئەگەر تە پێدڤی پێ نەبیت، هەرچەندە گەلەک ژ ڤان ئەپلیکەیشنان پێدڤی ب چوونە ژۆر ب هژمارەکێ هەیە بەری ب دووماهیئینانا پرۆسەیا گرێدانا کۆنترۆلا ڤیرچوالی ب تلەڤزیۆنێ ڤە، ئەپلیکەیشنێن جیهانی بۆ کۆنترۆلکرنا تلەڤزیۆنێ
ئەگەر تە Apple TV د گەل مۆبایلا ئایفۆن بکارئینابیت، تە پێدڤی ب دامەزراندنا ئەپلیکەیشنەکا جودا نینە بۆ کۆنترۆلکرنا ئامێری، لێ ئەڤ تایبەتمەندییە د سیستەمێ iOS دا تێدا چێکرییە و ب هەمان رێ ل سەر ئەندرۆید بەردەست نینە، ل ڤێرێ دشێی مفای ژ ئەپلیکەیشنێن کۆنترۆلا ژ دوورڤە یێن لایەنێن سێیێ وەرگری.
